ءبىر جىلدا بجزق سالىمشىلارىنىڭ زەينەتاقى جيناقتارى 3،2 ترلن تەڭگەگە ءوستى، دەپ حابارلايدى Dalanews.kz.

2024 جىلدىڭ 1 قاڭتارىنداعى جاعداي بويىنشا قور سالىمشىلارىنىڭ شوتتارىندا 17،9 ترلن بار.

“ۇستەم سوما مىندەتتى جارنالار ەسەبىنەن قالىپتاستى. مىندەتتى كاسىپتىك زەينەتاقى جارنالارى بويىنشا زەينەتاقى جيناقتارىنىڭ كولەمى 568،5 ملرد تەڭگەنى، ەرىكتى جارنالار بويىنشا شامامەن 5،3 ملرد تەڭگەنى قۇرادى”، - دەپ اتاپ ءوتتى قور.

وتكەن جىلى بجزق قازاقستاندىقتارعا 591،3 ملرد تەڭگە جۇمساعان. سولارعا توقتالىپ وتسەك:

تۇرعىن ءۇي جاعدايىن جاقسارتۋعا جانە ەمدەۋگە – 284 ملرد؛

ساقتاندىرۋ ۇيىمدارىنا اۋدارىمدار بويىنشا – 54 ملرد؛

مۇرانى تولەۋگە – 52،6 ملرد؛

قازاقستان رەسپۋبليكاسىنان تىس جەردە تۇراقتى تۇرۋعا جول جۇرۋگە – 39،8 ملرد تەڭگە؛

جەرلەۋگە – 39،8 ملرد؛

مۇگەدەكتىك تولەمدەرى بويىنشا – 2،8 ملرد؛

كارىلىك تولەمدەرى بويىنشا – 150،6 ملرد.

ورتاشا ايلىق تولەم 32 202 تەڭگەنى، ەڭ جوعارى سوما 742 692 تەڭگەنى قۇرادى.