استانادا پيلوتتىق جوبا اياسىندا دەرٸ-دەرمەككە قوسىمشا تٶلەم تەتٸگٸ ەنگٸزٸلٸپ جاتىر. بۇل تۋرالى دەنساۋلىق ساقتاۋ مينيسترلٸگٸ مەلٸمدەدٸ, دەپ حابارلايدى Dalanews.kz.
ۆەدومستۆونىڭ تٷسٸندٸرۋٸنشە, جاڭا جٷيە قازٸرگٸ تەگٸن دەرٸ-دەرمەكپەن قامتاماسىز ەتۋ باعدارلاماسىن تولىقتىرادى.
ياعني ازاماتتار بۇرىنعىداي دەرٸنٸ تەگٸن الۋعا نەمەسە سووپلاتا جٷيەسٸنە قاتىساتىن دەرٸحانالاردان باسقا, قىمباتتاۋ پرەپاراتتى تاڭداپ, ونىڭ بەلگٸلٸ بٸر بٶلٸگٸن ٶز قاراجاتى ەسەبٸنەن تٶلەۋگە مٷمكٸندٸگٸ بولادى.
"بٸرلەسكەن تٶلەم جٷيەسٸ ناۋقاسقا تاڭداۋ ەركٸندٸگٸن بەرەدٸ. دەرٸنٸ تەگٸن الۋعا نەمەسە تيٸمدٸرەك, زاماناۋي پرەپاراتتى تاڭداپ, ونىڭ باعاسىنىڭ بٸر بٶلٸگٸن ٶز موينىنا الۋعا بولادى.
حالىق تٶلەيتٸن سوما حالىقارالىق پاتەنتسٸز اتاۋى بويىنشا بەلگٸلەنگەن شەكتٸ باعا مەن تاڭدالعان دەرٸنٸڭ ناقتى قۇنىنىڭ اراسىنداعى ايىرماشىلىقتان تۇرادى", – دەلٸنگەن مينيسترلٸك حابارلاماسىندا.
تٶلەمدٸ QR-كودى بار ەلەكتروندى رەتسەپت نەگٸزٸندە eGov موبيلدٸ قوسىمشاسىنداعى “ەلەۋمەتتٸك ەمييان” ارقىلى جاساۋعا بولادى.
پيلوتتىق جوبانى ەلەۋمەتتٸك مەديتسينالىق ساقتاندىرۋ قورى امبۋلاتورلىق دەرٸ-دەرمەكپەن قامتاماسىز ەتۋگە ارنالعان بيۋدجەت شەڭبەرٸندە قارجىلاندىرادى.
العاشقى كەزەڭدە قوسىمشا تٶلەم جٷيەسٸ ارتەرييالىق گيپەرتەنزييا سيياقتى كەڭ تاراعان اۋرۋ تٷرٸنە ەنگٸزٸلەدٸ. بىلتىر امبۋلاتورلىق دەرٸ-دەرمەكپەن 3,3 ملن ادام قامتاماسىز ەتٸلسە, ولاردىڭ 1,2 ميلليونى وسى دەرتكە شالدىققاندار بولعان.
"بۇل تەتٸك ناۋقاستاردىڭ ەم قابىلداۋعا بەيٸلدٸلٸگٸن ارتتىرىپ, ولاردىڭ ٶمٸر سٷرۋ ساپاسى مەن ۇزاقتىعىن جاقسارتۋعا باعىتتالعان. ول اسقىنۋلاردى, مٷگەدەكتٸك پەن ٶلٸم-جٸتٸمدٸ ازايتۋعا ىقپال ەتەدٸ.
قوسىمشا تٶلەم جٷيەسٸ شەكتەۋ ەمەس, كەرٸسٸنشە مٷمكٸندٸك بەرەدٸ — پاتسيەنتكە تاڭداۋ ەركٸندٸگٸن ۇسىنىپ, دەرٸ-دەرمەكپەن قامتاماسىز ەتۋ جٷيەسٸن اناعۇرلىم يكەمدٸ ەرٸ اشىق ەتەدٸ", – دەپ مەلٸمدەدٸ دەنساۋلىق ساقتاۋ مينيسترلٸگٸ.
