قازاقستاندا بانكتەر مەن كرەديتتٸك بيۋرولارعا كٶرٸنبەيتٸن بٶلٸپ تٶلەۋ قارىزدارىن ەسەپكە الۋ ۇسىنىلدى. ۇلتتىق بانك BNPL سەرۆيستەرٸ ارقىلى رەسٸمدەلەتٸن مٸندەتتەمەلەر ازاماتتاردىڭ ناقتى قارىز جٷكتەمەسٸن ارتتىرعانىمەن, جاڭا نەسيە بەرۋ كەزٸندە قارجى ۇيىمدارى ونى كٶرمەۋٸ مٷمكٸن ەكەنٸن ەسكەرتتٸ, دەپ حابارلايدى dalanews.kz.
مەسەلە بانكتەر مەن ميكروقارجى ۇيىمدارى ەمەس, BNPL سەرۆيستەرٸ, ساۋدا ورىندارى جەنە باسقا دا قارجىلىق ەمەس كومپانييالار ارقىلى ۇسىنىلاتىن بٶلٸپ تٶلەۋ قىزمەتتەرٸنە قاتىستى. مۇنداي كەلٸسٸمدەر ازاماتتىق زاڭناما اياسىندا رەسٸمدەلەتٸندٸكتەن, ولار تۋرالى اقپارات كرەديتتٸك تاريحتا كٶرسەتٸلمەۋٸ مٷمكٸن.
سونىڭ سالدارىنان ادامنىڭ ناقتى قارىزى بانككە كٶرٸنەتٸن سومادان كٶپ بولۋى ىقتيمال. ۇلتتىق بانك مۇنى «جاسىرىن بەرەشەك» تەۋەكەلٸ دەپ باعالاپ وتىر. ٶيتكەنٸ بٸر ادام بٸر مەزگٸلدە بٸرنەشە بٶلٸپ تٶلەۋ قىزمەتٸن پايدالانىپ, تٶلەم مٸندەتتەمەلەرٸن تابىسىنان اسىرىپ الۋى مٷمكٸن.
وسىعان بايلانىستى ۇلتتىق بانك پەن قارجى نارىعىن رەتتەۋ جەنە دامىتۋ اگەنتتٸگٸ BNPL قىزمەتتەرٸ تۋرالى مەلٸمەتتەردٸ كرەديتتٸك بيۋرولارعا بەرۋدٸ قاراستىرىپ جاتىر. سونىمەن قاتار كليەنتتٸڭ تٶلەم قابٸلەتٸن تەكسەرۋ, مەمٸلەنٸڭ تولىق قۇنى مەن تالاپتارىن اشىق كٶرسەتۋ, ايىپپۇلدار مەن ٶسٸمپۇلدارعا شەكتەۋ قويۋ ۇسىنىلعان. رەتتەۋشٸلەر بٶلٸپ تٶلەۋدٸ قارىز جٷكتەمەسٸن ەسەپتەۋ كەزٸندە ەسكەرۋدٸ دە كٶزدەپ وتىر. بۇل جاعدايدا بٸرنەشە بٶلٸپ تٶلەۋ مٸندەتتەمەسٸنٸڭ بولۋى جاڭا نەسيە الۋ مٷمكٸندٸگٸنە ەسەر ەتۋٸ ىقتيمال.
بٶلٸپ تٶلەۋ نارىعى قازٸر دٷكەندەردەن تاۋار ساتىپ الۋمەن عانا شەكتەلمەيدٸ. قۇجاتتا اۆتوكٶلٸك پەن جىلجىمايتىن مٷلٸكتٸ بٶلٸپ تٶلەۋ, كەيٸن ساتىپ الۋ قۇقىعىمەن جالعا الۋ جەنە ەكونوميكالىق سيپاتى جاعىنان نەسيەگە ۇقسايتىن ٶزگە دە تەتٸكتەر قاراستىرىلعان.
بۇل رەتتە زاڭنامادا تاعى بٸر مەسەلە بار. قازٸر مۇنداي بٶلٸپ تٶلەۋ مەن BNPL قىزمەتتەرٸ بويىنشا قالىپتاسقان بەرەشەك جەكە تۇلعالاردىڭ سوتتان تىس بانكروتتىعى كەزٸندە ەسەپتەن شىعارىلاتىن قارىزدار قاتارىنا كٸرمەيدٸ. الايدا ٸس جٷزٸندە ول ازاماتتىڭ جالپى مٸندەتتەمەلەرٸنٸڭ ەدەۋٸر بٶلٸگٸن قۇراۋى مٷمكٸن.
ەزٸرگە بۇل تالاپتار كٷشٸنە ەنگەن جوق. ۇلتتىق بانك ۇسىنىستاردى 2026 جىلعى 3 قاراشاعا دەيٸن قوعامدىق تالقىلاۋعا شىعاردى. رەتتەۋشٸنٸڭ تٷسٸندٸرۋٸنشە, باستامانىڭ ماقساتى – بٶلٸپ تٶلەۋ قىزمەتتەرٸن شەكتەۋ ەمەس, نارىقتىڭ ناقتى كٶلەمٸن انىقتاپ, تۇتىنۋشىلاردى قورعاۋدىڭ ەڭ تٶمەنگٸ تالاپتارىن بەلگٸلەۋ.
ەگەر ۇسىنىستار قابىلدانسا, بٶلٸپ تٶلەۋ قارىزى قارجى جٷيەسٸنە كٶرٸنٸپ, ازاماتتىڭ جاڭا نەسيە الۋ مٷمكٸندٸگٸن باعالاۋ كەزٸندە ەسەپكە الىنۋى مٷمكٸن.
