قازاقستان ەنەرگەتيكا مينيسترلٸگٸ بەنزين, ديزەل وتىنى جەنە كەيبٸر مۇناي ٶنٸمدەرٸن ەل اۋماعىنان شىعارۋعا التى ايعا جاڭا تىيىم ەنگٸزدٸ. تيٸستٸ بۇيرىققا سەيكەس, بۇل شەكتەۋ 2025 جىلدىڭ 20 قاراشاسىنان باستاپ 2026 جىلدىڭ 20 مامىرىنا دەيٸن كٷشٸندە بولادى, دەپ حابارلايدى Dalanews.kz.
قۇجاتقا ساي, اتالعان تىيىم اۆتوكٶلٸكپەن بەنزين, ديزەل وتىنى جەنە باسقا دا مۇناي ٶنٸمدەرٸن, سونىڭ ٸشٸندە ەۋرازييالىق ەكونوميكالىق وداققا (ەاەو) مٷشە ەلدەرگە شىعارۋعا دا قولدانىلادى.
الايدا بۇل شەكتەۋ مايلاۋ ماتەريالدارىنا, سونداي-اق اۆتوكٶلٸكتٸڭ زاۋىتتان ورناتىلعان وتىن باگىندا بٸر رەتتٸك الىپ شىعۋعا جەنە اۆياتسييالىق وتىندى عىلىمي-زەرتتەۋ ماقساتىندا از كٶلەمدە شىعارۋعا قاتىستى قولدانىلمايدى. سونداي-اق گۋمانيتارلىق كٶمەك رەتٸندە مۇناي ٶنٸمدەرٸن ەكسپورتتاۋعا ٷكٸمەت شەشٸمٸمەن رۇقسات بەرٸلەدٸ.
بۇعان قوسا, بۇيرىقتا تەمٸرجول كٶلٸگٸ ارقىلى مۇناي ٶنٸمدەرٸن ەكسپورتتاۋعا دا ۋاقىتشا تىيىم سالىناتىنى جازىلعان. بۇل شەكتەۋ تەك كەيبٸر ارنايى بەكٸتٸلگەن جوسپارلار بويىنشا جەتكٸزٸلەتٸن بەنزين تٷرلەرٸنە جەنە گۋمانيتارلىق كٶمەك رەتٸندە جٶنەلتٸلەتٸن ٶنٸمدەرگە قولدانىلمايدى.
سونىمەن قاتار 2026 جىلدىڭ 1 قاڭتارىنان 30 ماۋسىمىنا دەيٸن تاعى بٸر التى ايلىق كەزەڭگە شەكتەۋ ەنگٸزٸلەدٸ. بۇل جولى تىيىم جەڭٸل ديستيللياتتارعا, اۆياكەروسينگە, ديزەل وتىنىنا, گازويلگە, تولۋول مەن كسيلولعا, سونداي-اق مۇناي بيتۋمىنا قاتىستى بولماق.
ەنەرگەتيكا مينيسترلٸگٸنٸڭ مەلٸمەتٸنشە, مۇنداي شارالار ٸشكٸ نارىقتى جانارماي تاپشىلىعىنان قورعاۋ جەنە باعانىڭ تۇراقتىلىعىن ساقتاۋ ماقساتىندا قابىلدانعان.
