قازاقستاندا اۆتوموبيل ٶنەركەسٸبٸنە قاجەتتٸ جاڭا كادرلاردى دايارلاۋ ٷشٸن 31 جاڭا ماماندىق ەنگٸزٸلٸپ, تاعى 22 قولدانىستاعى ماماندىق جاڭارتىلادى, دەپ حابارلايدى dalanews.kz.
بۇل تۋرالى ٷكٸمەت وتىرىسىندا عىلىم جەنە جوعارى بٸلٸم مينيسترٸ ساياسات نۇربەك مەلٸمدەدٸ, دەپ حابارلايدى Dalanews.
مينيستردٸڭ ايتۋىنشا, ەلدە جاڭا كەسٸپتەر مەن قۇزىرەتتەردٸڭ 9 سالالىق جەنە 20 ٶڭٸرلٸك اتلاسى ەزٸرلەنگەن. ونىڭ ٸشٸندە «ماشينا جاساۋ», «كٶلٸك جەنە لوگيستيكا» سالالىق اتلاستارى, سونداي-اق قاراعاندى مەن قوستاناي وبلىستارىنىڭ ٶڭٸرلٸك اتلاستارى اۆتوموبيل جاساۋ سالاسىن قامتيدى.
«نەتيجەسٸندە 31 جاڭا ماماندىق قالىپتاسىپ, 22 قولدانىستاعى ماماندىق ترانسفورماتسييالانادى. سونىڭ نەگٸزٸندە جوعارى وقۋ ورىندارى بٸلٸم بەرۋ باعدارلامالارىن جاڭارتىپ جاتىر», – دەدٸ ساياسات نۇربەك.
مينيستردٸڭ سٶزٸنشە, ەڭبەك نارىعىنداعى ناقتى سۇرانىستى انىقتاۋ ٷشٸن 73 مىڭ كەسٸپورىن اراسىندا اۋقىمدى ساۋالناما جٷرگٸزٸلگەن. ونىڭ ٸشٸندە 92 كەسٸپورىن اۆتوموبيل ٶنەركەسٸبٸ سالاسىنا تيەسٸلٸ.
زەرتتەۋ نەتيجەسٸنە سەيكەس, الداعى ٷش جىلدا اۆتوكٶلٸك ٶنەركەسٸبٸنە 10 مىڭنان استام ينجەنەرلٸك جەنە جۇمىسشى مامان قاجەت بولادى.
ٷكٸمەتتٸڭ مەلٸمەتٸنشە, جاڭا ماماندىقتاردى ەنگٸزۋ مەن بٸلٸم بەرۋ باعدارلامالارىن جاڭارتۋ اۆتوموبيل جاساۋ سالاسىندا بٸلٸكتٸ كادر تاپشىلىعىن ازايتىپ, ٶندٸرٸستٸڭ جاڭا تەحنولوگييالارعا بەيٸمدەلۋٸنە مٷمكٸندٸك بەرەدٸ.
