قازاقستاندا 2026 جىلى الداعى جىلىتۋ ماۋسىمىنا دايىندىق اياسىندا ەنەرگەتيكالىق نىسانداردى كٷردەلٸ جٶندەۋگە 384 ملرد تەڭگە باعىتتالدى. بۇل ٶتكەن جىلمەن سالىستىرعاندا 9 پايىز كٶپ, دەپ حابارلايدى dalanews.kz.
ٷكٸمەتتٸڭ مەلٸمەتٸنشە, 2025 جىلى ەل بويىنشا 10 ەنەرگييا بلوگى, 63 قازاندىق جەنە 39 تۋربينا جٶندەلگەن. سونىمەن قاتار 17 مىڭ شاقىرىم ەلەكتر بەرۋ جەلٸسٸ, 420 قوسالقى ستانسا جەنە توزىعى جەتكەن 323 شاقىرىم جىلۋ جەلٸسٸ جاڭارتىلعان.
جٷرگٸزٸلگەن جۇمىستاردىڭ نەتيجەسٸندە ەلەكتر ستانسالارى جابدىقتارىنىڭ ورتاشا توزۋ دەڭگەيٸ 53%-عا, جىلۋ جەلٸلەرٸنٸكٸ 50%-عا, ال ەلەكتر جەلٸسٸ نىساندارىنٸكٸ 66,2%-عا دەيٸن تٶمەندەگەن. سونداي-اق تەۋەكەلٸ جوعارى «قىزىل» ايماقتان بەس جىلۋ ەلەكتر ورتالىعى "سارى" ايماققا, ال تاعى ٷش جەو "سارىدان" "جاسىل" ايماققا اۋىستىرىلعان.
بيىلعى قىسقا دايىندىق ٷشٸن قويمالاردا قازٸردٸڭ ٶزٸندە 3,5 ملن توننا كٶمٸر مەن 143 مىڭ توننا مازۋت جينالعان. جالپى حالىق پەن كوممۋنالدىق سەكتوردى قامتاماسىز ەتۋ ٷشٸن 7,3 ملن توننا كٶمٸر دايىندالادى.
ٷكٸمەتتٸڭ حابارلاۋىنشا, 15 تامىزدان باستاپ رەسپۋبليكالىق شتاب كٶمٸر تاسىمالىن تسيفرلىق جٷيە ارقىلى باقىلاۋعا كٸرٸسەدٸ.
"15 تامىزدان باستاپ رەسپۋبليكالىق شتاب كٶمٸردٸڭ كەن ورىندارىنان ٶڭٸرلەردەگٸ تۇيىقتارعا دەيٸن جەتكٸزٸلۋٸن تسيفرلىق فورماتتا باقىلايدى. بۇل الىپساتارلىقتىڭ الدىن الىپ, جاساندى كٶمٸر تاپشىلىعىنا جول بەرمەۋگە مٷمكٸندٸك بەرەدٸ", - دەپ حابارلادى ٷكٸمەتتٸڭ باسپاسٶز قىزمەتٸ.
