قازاقستاندا 800 مىڭعا جۋىق اقبٶكەن اۋلانۋى مٷمكٸن. بۇل تۋرالى ەكولوگييا جەنە تابيعي رەسۋرستار مينيسترٸ ەرلان نىسانباەۆ مەلٸمدەدٸ, دەپ حابارلايدى Dalanews.kz.
“عىلىمي نەگٸزدەمەگە سەيكەس, بٷگٸنگٸ تاڭدا بٷكٸل پوپۋلياتسييانىڭ 20 پايىزىن تابيعي ورتادان الۋ ۇسىنىلىپ وتىر. كٶكتەمگٸ ەسەپ قورىتىندىسى بويىنشا, قازاقستانداعى اقبٶكەن سانى رەسمي تٷردە 3,9 ميلليونعا جەتتٸ. ونىڭ ٸشٸندە 2,3 ميلليونى – ورال پوپۋلياتسيياسىنا, 1,6 ميلليونى – بەتپاقدالا پوپۋلياتسيياسىنا, ال 78 مىڭى – ٷستٸرت پوپۋلياتسيياسىنا تيەسٸلٸ. جالپى العاندا, بٸز 4 ميلليونعا جۋىق, ناقتىراق ايتساق, 3 ملن 978 مىڭ دەپ ەسەپتەيمٸز. وسىعان سەيكەس 800 مىڭ اقبٶكەندٸ اتۋ كٶزدەلٸپ وتىر”, — دەدٸ مينيستر.
مينيستردٸڭ ايتۋىنشا, جانۋارلاردىڭ جىنىسى مەن جاسى دا ناقتى بەلگٸلەنگەن.
“40% – اتالىقتار, 40% – انالىقتار, 20% – بيىل تۋعان تٶلٸ. ياعني, قازٸرگٸ تاڭدا بٸزدە بارلىق ەسەپ, پارامەترلەر ناقتىلانعان. ٶتكەن اپتادا عىلىمي نەگٸزدەمەنٸ رەسمي تٷردە الدىق. بٷگٸن ۇيىمداستىرۋشىلىق مەسەلەلەردٸ تالقىلادىق. بٸر-ەكٸ كٷن ٸشٸندە شەشٸمٸمٸزدٸ رەسمي تٷردە جارييالايمىز”, — دەدٸ ەرلان نىسانباەۆ.
سونداي-اق مينيستر اقبٶكەن ەتٸن ٶڭدەۋگە ارنالعان جەكە ەت كومبيناتى سالىنۋى مٷمكٸن ەكەنٸن ايتتى.
“مۇنشاما كٶلەمدە جانۋار الىنسا, ەتٸن ٶڭدەۋ مەسەلەسٸ ٶتە ماڭىزدى بولماق. سوندىقتان بٷگٸنگٸ تاڭدا بٸز جەرگٸلٸكتٸ قۇرىلىمدارمەن بٸرلەسٸپ, اقبٶكەن ەتٸن قايتا ٶڭدەيتٸن ەت كومبيناتتارىن سالۋ بويىنشا ينۆەستيتسييالىق جوبالاردى پىسىقتاپ جاتىرمىز. قازٸرگٸ تاڭدا بۇل باستاماعا التىعا جۋىق كومپانييا قىزىعۋشىلىق بٸلدٸردٸ”, — دەدٸ ول.
