قازاقستاندا مەملەكەت باسشىسى قاسىم-جومارت توقاەۆتىڭ باستاماسىمەن جٷرگٸزٸلگەن ەكٸمشٸلٸك راقىمشىلىق اياسىندا 681,7 مىڭ ازاماتقا قاتىستى 1,3 ميلليون ەكٸمشٸلٸك ٸس توقتاتىلدى. بۇل تۋرالى باس پروكۋرور بەرٸك اسىلوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, تەۋەلسٸز قازاقستان تاريحىندا العاش رەت جٷزەگە اسقان ەكٸمشٸلٸك راقىمشىلىق جاڭا حالىقتىق كونستيتۋتسييانىڭ العاشقى ماڭىزدى پراكتيكالىق نەتيجەلەرٸنٸڭ بٸرٸ بولدى.
بەرٸك اسىلوۆتىڭ مەلٸمەتٸنشە, راقىمشىلىق اياسىندا جالپى سوماسى 22,8 ملرد تەڭگە بولاتىن ايىپپۇلدار كەشٸرٸلدٸ. ول ەكٸمشٸلٸك قۇقىق بۇزۋشىلىق تۋرالى كودەكستٸڭ 380-نەن استام بابىن قامتىدى. اتاپ ايتقاندا, سالىق, كەدەن, سانيتارييالىق, ەكولوگييالىق تالاپتاردى بۇزۋ, كەسٸپكەرلٸك, ساۋدا جەنە باسقا دا ەكٸمشٸلٸك قۇقىق بۇزۋشىلىقتار بويىنشا قابىلدانعان شەشٸمدەرگە قاتىستى قولدانىلدى.
باس پروكۋروردىڭ ايتۋىنشا, راقىمشىلىق پوليتسييا, مەملەكەتتٸك كٸرٸستەر, ەكولوگييا, سانيتارييالىق-ەپيدەميولوگييالىق باقىلاۋ جەنە باسقا دا مەملەكەتتٸك ورگاندار انىقتاعان, ەكٸمشٸلٸك قاماق جازاسى كٶزدەلمەگەن قۇقىق بۇزۋشىلىقتارعا قاتىستى جٷرگٸزٸلدٸ.
سونىمەن قاتار ازاماتتاردان ەشقانداي ٶتٸنٸش بەرۋ تالاپ ەتٸلمەگەن. راقىمشىلىق تولىقتاي تسيفرلىق فورماتتا ٸسكە اسىرىلىپ, مەملەكەتتٸك ورگانداردىڭ ٷيلەسٸمدٸ جۇمىسىنىڭ ارقاسىندا بٸر ايعا جەتپەيتٸن مەرزٸمدە اياقتالعان.
«ازاماتتار مەملەكەتتٸك ورگانداردى ارالاعان جوق, قۇجات جيناعان جوق جەنە بيۋروكراتييالىق رەسٸمدەردەن ٶتپەدٸ. ەكٸمشٸلٸك ٸستەردٸڭ توقتاتىلعانى تۋرالى ولار سمس-حابارلاما ارقىلى اقپارات الدى», – دەدٸ باس پروكۋرور.
بەرٸك اسىلوۆتىڭ سٶزٸنشە, كٶپتەگەن وتباسى ٷشٸن بۇل تەك ايىپپۇلدان بوساتۋ عانا ەمەس, سونىمەن قاتار اتقارۋشىلىق ٶندٸرٸستەردٸڭ توقتاتىلۋىنا, قويىلعان شەكتەۋلەردٸڭ الىنۋىنا جەنە ارنايى تۇراققا قويىلعان كٶلٸكتەردٸڭ يەلەرٸنە قايتارىلۋىنا مٷمكٸندٸك بەردٸ.
مىسال رەتٸندە جەتٸسۋ وبلىسىنىڭ تۇرعىنى كەلتٸرٸلدٸ. ونىڭ اۆتوكٶلٸگٸ جىل باسىنان بەرٸ تٶلەنبەگەن ايىپپۇلدارعا بايلانىستى ايىپ تۇراعىندا تۇرعان. ەكٸمشٸلٸك راقىمشىلىق تۋرالى زاڭ كٷشٸنە ەنگەننەن كەيٸن وعان قاتىستى ەكٸمشٸلٸك ٸستەر توقتاتىلىپ, كٶلٸگٸ يەسٸنە قايتارىلعان. باس پروكۋروردىڭ ايتۋىنشا, راقىمشىلىقتى جٷزەگە اسىرۋعا پروكۋراتۋرا, ٸشكٸ ٸستەر ورگاندارى, مەملەكەتتٸك كٸرٸستەر ورگاندارى, ەكولوگييا قىزمەتٸ, جەرگٸلٸكتٸ اتقارۋشى ورگاندار جەنە باسقا دا مەملەكەتتٸك مەكەمەلەر قاتىسقان.
ول راقىمشىلىقتى ٸسكە اسىرۋداعى باستى قاعيدات ٶزگەرمەگەنٸن اتاپ ٶتتٸ.
«راقىمشىلىق جاساۋعا قۇقىعى بار ەربٸر ازامات ونى مٸندەتتٸ تٷردە الۋعا تيٸس, ال زاڭ تالاپتارىنا سەيكەس كەلمەيتٸن ەشكٸم بۇل مٷمكٸندٸكتٸ پايدالانباۋى قاجەت», – دەدٸ بەرٸك اسىلوۆ.
باس پروكۋروردىڭ پٸكٸرٸنشە, بۇل تەجٸريبە تسيفرلىق تەحنولوگييالاردىڭ مەملەكەتتٸك باسقارۋدىڭ تيٸمدٸلٸگٸن ارتتىرىپ قانا قويماي, ازاماتتاردى ارتىق بيۋروكراتييالىق رەسٸمدەردەن بوساتۋعا مٷمكٸندٸك بەرەتٸنٸن كٶرسەتتٸ.
