قازاقستاندا قىلمىس الەمىنە قاتىسى بار 27 ادام ۇستالدى، دەپ حابارلايدى Dalanews.kz ءىىم باسپا ءسوز قىزمەتىنە سىلتەپ.
ىشكى ىستەر مينيسترلىگىنىڭ مالىمەتىنشە، سوڭعى ەكى جىلدا ۇيىمداسقان قىلمىستىق توپتاردى قۇرۋ، باسقارۋ جانە ولارعا قاتىسۋ فاكتىلەرى بويىنشا 120-دان استام قىلمىستىق ءىس تىركەلدى، سونىڭ ىشىندە 13ء-ى ترانسۇلتتىق قىلمىستىق توپتارعا قاتىستى. قىلمىستىق كودەكستىڭ ءارتۇرلى باپتارى بويىنشا 600-دەن استام قىلمىسكەر جاۋاپكەرشىلىككە تارتىلعان.
حالىقارالىق ىزدەستىرۋدە بولعان ۇيىمداسقان قىلمىستىق توپتاردىڭ 27 مۇشەسى، ياعني «قىلمىس الەمىنىڭ سەركەلەرى» ۇستالدى.
جاقىن شەت ەلدەردەن كەلگەن التى «زاڭداعى ۇرىنىڭ» قازاقستان اۋماعىندا بولۋىنىڭ الدىن الىندى. بوپسالاۋ جانە باسقا دا اۋىر قىلمىستاردى جاساعان 160 قىلمىستىق توپتىڭ زاڭسىز ارەكەتى توقتاتىلدى.
بوپسالاۋ فاكتىلەرى بويىنشا بارلىعى 1300-دەن استام قىلمىستىق ءىس قوزعالدى. 400-دەن استام ادام ساۋداسىمەن بايلانىستى قىلمىس انىقتالدى.
