قازاقستاندا 1223 ەلدٸ مەكەن سۋ باسۋ قاۋپٸ بار ايماقتاردا ورنالاسقان, دەپ حابارلايدى Dalanews.kz.
بۇل تۋرالى تٶتەنشە جاعدايلار مينيسترلٸگٸنٸڭ باسپاسٶز قىزمەتٸ حابارلادى.
“ايماقتاردا الدىن الۋ جەنە ينجەنەرلٸك جۇمىستار جٷرگٸزٸلٸپ, ولاردىڭ ٸسكە اسىرىلۋىن تجم بٶلٸمشەلەرٸ قاداعالاۋدا. سۋ تاسقىنىنىڭ الدىن الۋ شارالارى رەسپۋبليكالىق جەنە ٶڭٸرلٸك باعدارلامالىق قۇجاتتار اياسىندا جٷزەگە اسىرىلۋدا. قازٸرگٸ تاڭدا ەلٸمٸزدە 1223 ەلدٸ مەكەن سۋ باسۋ قاۋپٸ جوعارى ايماقتاردا ورنالاسقان”, – دەلٸنگەن دٷيسەنبٸ كٷنٸ تاراتىلعان حابارلامادا.
مينيسترلٸكتٸڭ مەلٸمەتٸنشە, جالپى ەلٸمٸز بويىنشا 1400 سۋ تاسقىنىنا قارسى ٸس-شارا جٷزەگە اسىرىلعان.
“حالىقتى قورعاۋ ماقساتىندا ۇزىندىعى 576 شاقىرىمدى قۇرايتىن قورعانىس بٶگەتتەرٸ مەن ٷيٸندٸلەر تۇرعىزىلىپ, نىعايتىلدى. 164 شاقىرىمدىق درەناج جٷيەلەرٸ جٶندەلٸپ, قايتا سالىندى. اۆتوموبيل جەنە تەمٸر جولداردىڭ استىنداعى 960 سۋ ٶتكٸزۋ نىسانى جاڭارتىلىپ, 658 شاقىرىمدىق كانالدار مەن ارىقتار جاسالدى. 74 ٶزەننٸڭ قاۋٸپتٸ ۋچاسكەلەرٸندە 300 شاقىرىمنان استام ارنانى تەرەڭدەتۋ جەنە جاعالاۋدى بەكٸتۋ جۇمىستارى جٷرگٸزٸلدٸ, 190 شاقىرىم ٶزەن ارنالارى تازارتىلدى. ەلدٸ مەكەندەردە نٶسەر جەنە درەناج جٷيەلەرٸن سالۋ جەنە جٶندەۋ جۇمىستارى جٷرگٸزٸلۋدە. سونداي-اق, قىستا قاردى ەلدٸ مەكەندەردەن تىس ارنايى پوليگوندارعا شىعارۋ ٷشٸن قاۋٸپسٸز ايماقتار الدىن الا بەلگٸلەندٸ”, – دەپ حابارلادى تجم.
اقتٶبە وبلىسىندا سۋ تاسقىنىنا قارسى شارالار تەكسەرٸلدٸ
“كٶكتەمگٸ تاسقىنعا دايىندىق اياسىندا وبلىس ەكٸمٸ اسحات شاحاروۆ نەگٸزگٸ سۋ ايدىندارى مەن سۋ باسۋ قاۋپٸ بار ۋچاسكەلەردٸ تەكسەردٸ. تجد-نٸڭ شتابتىق باسقارۋ كٶلٸگٸ مەن دروندار كٶمەگٸمەن ٶڭٸر باسشىسى ٸلەك جەنە قارعالى ٶزەندەرٸنٸڭ بويىنداعى قاۋٸپتٸ ايماقتاردى, سونداي-اق سازدين سۋ قويماسىن ارالاپ شىقتى. قازٸرگٸ ۋاقىتتا ٸلەك ٶزەنٸنٸڭ بويىندا ۇزىندىعى 1300 مەتردٸ قۇرايتىن جاعالاۋدى بەكٸتۋ جۇمىستارى جٷرگٸزٸلۋدە. سونىمەن قاتار, سۋ باسۋ قاۋپٸ بار “اكتيۋبرەنتگەن-14, 16”, “ۋروجاينىي”, “زەلەنستروي” باۋ-باقشا ۇجىمدارىنا ەرٸگەن سۋدى بۇرۋ شارالارى قولعا الىنعان. بۇل اۋماقتاردا ٸلەك ٶزەنٸنٸڭ جاعاسىن نىعايتۋ جۇمىستارى جٷرگٸزٸلٸپ جاتىر. وبلىس ەكٸمٸ سونداي-اق سازدين سۋ قويماسىندا اتقارىلىپ جاتقان جٶندەۋ جۇمىستارىمەن تانىستى. مۇندا سۋ جيناۋ ايماعىنىڭ تٷبٸن دەمونتاجداۋ, ەكٸ قاتار ارماتۋرامەن بەتون قۇيۋ, تٶسەم ورناتۋ جەنە مۇزدان قورعايتىن قابىرعالار سالۋ جۇمىستارى اياقتالدى”, – دەپ حابارلادى ۆەدومستۆو.
الماتى وبلىسىنىڭ تالعار اۋدانىندا الدىن الۋ شارالارى قولعا الىندى
“تالعار قالاسىندا سۋ تاسقىنى قاۋپٸنٸڭ الدىن الۋ جۇمىستارى جەرگٸلٸكتٸ اتقارۋشى ورگاندارمەن بٸرلەسٸپ جٷرگٸزٸلۋدە. قالا ەكٸمٸ تٸكەلەي باقىلاۋ جاساپ وتىر. ٸس-شارالار اياسىندا ارىق جٷيەلەرٸ مەن كانالدار تازارتىلىپ, قازتۋعان جىراۋ كٶشەسٸنٸڭ بويىنداعى توپولەۆكا ٶزەنٸنٸڭ ارنالارى تەرەڭدەتٸلدٸ. بۇل جۇمىستار جالعاساتىن بولادى, وسىلايشا اۋدانداعى قاۋٸپسٸزدٸك دەڭگەيٸ ارتادى. قازٸرگٸ تاڭدا قالا اۋماعىندا 38 شاقىرىمدىق ارىق جٷيەسٸ مەن 30-دان استام كٶشە تازارتىلدى. الداعى ۋاقىتتا وسىنداي شارالاردى جالعاستىرىپ, قوسىمشا كانالدار سالۋ جوسپارلانعان”, – دەلٸنگەن حابارلامادا.
استاناداعى جاعداي قالاي?
“تجد قىزمەتكەرلەرٸ مەن تٶتەنشە جاعدايلاردىڭ الدىن الۋ كوميتەتٸ ٶكٸلدەرٸ “قازسۋشار” كەسٸپورنىنىڭ اقمولا فيليالىمەن بٸرلەسٸپ استانا كونتررەتتەگٸشٸن ارالاپ شىقتى. ەرەكشە نازار سۋ تاسقىنى كەزەڭٸندە سۋدى جيناۋ جەنە اعىزۋ جٷيەسٸنٸڭ دايىندىعىنا, نىساننىڭ رەكونسترۋكتسييالاۋ جۇمىستارىنا اۋدارىلدى. نەتيجەسٸندە “قازسۋشار” مەكەمەسٸنە نىساندى تيٸستٸ دەڭگەيدە ۇستاۋ جەنە تاسقىن سۋدىڭ قاۋٸپسٸز ٶتۋٸن قامتاماسىز ەتۋ بويىنشا ۇسىنىستار بەرٸلدٸ”, – دەپ حابارلادى تجم.
جامبىل وبلىسىندا تالاس ٶزەنٸنٸڭ جاعالاۋىن بەكٸتۋ جۇمىستارى جٷرگٸزٸلۋدە
“جامبىل وبلىسىنىڭ ەكٸمٸ ەربول قاراشٶكەەۆ بايزاق اۋدانىندا جەنە تاراز قالاسىندا سۋ تاسقىنىنا دايىندىق جۇمىستارىمەن تانىستى. ەكٸم تالاس ٶزەنٸنٸڭ جاعالاۋىن بەكٸتۋ شارالارىن باقىلادى. تجد قىزمەتكەرلەرٸ جٷرگٸزگەن زەرتتەۋ بارىسىندا بايزاق اۋدانىنىڭ سارىكەمەر, ديحان, ايمانتٶبە جەنە كٶستٶبە اۋىلدارىندا ٶزەن ارناسىن تازارتۋ جەنە نىعايتۋ قاجەتتٸلٸگٸ انىقتالعان. بۇل ۋچاسكەلەردە سۋ باسۋ قاۋپٸ جوعارى. قاڭتار ايىندا باستالعان جاعالاۋدى بەكٸتۋ جۇمىستارى جالعاسۋدا. جۇمىس ساپارىنىڭ قورىتىندىسى بويىنشا تاراز قالاسى مەن جامبىل اۋدانىنىڭ ەكٸمدەرٸنە ٶزەن ارناسىن قوسىمشا تەكسەرٸپ, تازالاۋ, تەرەڭدەتۋ جەنە نىعايتۋ شارالارىن قولعا الۋ تاپسىرىلدى”, – دەپ مەلٸمدەدٸ ۆەدومستۆو.
شىمكەنتتە سۋ تاسقىنىنا قارسى شۇعىل جيىن ٶتتٸ
“شىمكەنت قالاسىنىڭ تجد جەرگٸلٸكتٸ اتقارۋشى ورگاندارمەن جەنە باسسەيندٸك ينسپەكتسييامەن بٸرلەسٸپ سۋ تاسقىنى قاۋپٸنە بايلانىستى شۇعىل جيىن ٶتكٸزدٸ. جيىن بارىسىندا قاۋٸپتٸ ايماقتار تەكسەرٸلٸپ, ىقتيمال تەۋەكەلدەرگە تالداۋ جاسالدى. الدىن الۋ شارالارىنا ەرەكشە كٶڭٸل بٶلٸندٸ. ماماندار جاعالاۋلاردى نىعايتۋ, سۋ اعىزۋ ارنالارى مەن ارىقتاردى تازارتۋ, حالىقتى دەر كەزٸندە حاباردار ەتۋ مەسەلەلەرٸن قاراستىردى. قۇزىرلى مەملەكەتتٸك ورگاندارعا ينجەنەرلٸك جەنە جاعالاۋدى بەكٸتۋ جۇمىستارى بويىنشا ۇسىنىستار بەرٸلدٸ, سونداي-اق سۋ تاسقىنى قاۋپٸن ازايتۋعا باعىتتالعان قوسىمشا شارالاردى ەزٸرلەۋ تاپسىرىلدى”, – دەپ حابارلادى مينيسترلٸك.
