قازاقستان رەسپۋبليكاسىنىڭ ۇلتتىق ستاتيستيكا بيۋروسى 2026 جىلعى 1 قاڭتارداعى جاعداي بويىنشا قازاقستان حالقىنىڭ سانىن جاريالادى، دەپ حابارلايدى Dalanews.kz.

رەسمي ستاتيستيكاعا سايكەس، 2026 جىلدىڭ باسىندا قازاقستان حالقى 20 495 975 ادام بولدى. ءبىر جىل ىشىندە ەل تۇرعىندارىنىڭ سانى 212 576 ادامعا ارتقان.

حالىق سانى 2 ميلليوننان اسقان وڭىرلەر قاتارىندا تۇركىستان وبلىسى مەن الماتى قالاسى بار. تۇركىستان وبلىسىندا 2 148 658 ادام تۇرادى، الايدا ءبىر جىلدا ءوڭىر حالقى 5 383 ادامعا ازايعان. الماتى قالاسىنىڭ حالقى 2 347 924 ادامعا جەتىپ، جىل ىشىندە 55 869 ادامعا كوبەيگەن.

1 ميلليوننان استام تۇرعىن بار وڭىرلەر:

• استانا – 1 638 233 ادام (جىلدىق ءوسىم: +109 530)؛

• الماتى وبلىسى – 1 596 331 ادام (+36 207)؛

• جامبىل وبلىسى – 1 215 373 ادام (–7 018)؛

• شىمكەنت قالاسى – 1 293 648 ادام (+37 484)؛

• قاراعاندى وبلىسى – 1 131 287 ادام (–2 646).

ەڭ از حالقى بار وڭىرلەر:

• ۇلىتاۋ وبلىسى – 218 993 ادام (–2 297)؛

• سولتۇستىك قازاقستان وبلىسى – 514 156 ادام (–8 015)؛

• اباي وبلىسى – 595 676 ادام (–7 156).

2026 جىلعى 1 قاڭتارداعى دەرەككە ساي، قالالاردا تۇراتىن قازاقستاندىقتار سانى 13 029 803 ادامدى قۇرادى (جىل ىشىندە +256 688)، ال اۋىلدىق جەرلەردە 7 466 172 ادام ءومىر سۇرەدى (–44 112).

وسىلايشا، ەلدە ۋربانيزاسيا ۇدەرىسى جالعاسىپ، قالا حالقىنىڭ ۇلەسى ارتىپ وتىرعانى بايقالادى