Qazaqstan Respýblikasynyń Ulttyq statistika biýrosy 2026 jylǵy 1 qańtardaǵy jaǵdai boiynsha Qazaqstan halqynyń sanyn jariialady, dep habarlaidy Dalanews.kz.
Resmi statistikaǵa sáikes, 2026 jyldyń basynda Qazaqstan halqy 20 495 975 adam boldy. Bir jyl ishinde el turǵyndarynyń sany 212 576 adamǵa artqan.
Halyq sany 2 millionnan asqan óńirler qatarynda Túrkistan oblysy men Almaty qalasy bar. Túrkistan oblysynda 2 148 658 adam turady, alaida bir jylda óńir halqy 5 383 adamǵa azaiǵan. Almaty qalasynyń halqy 2 347 924 adamǵa jetip, jyl ishinde 55 869 adamǵa kóbeigen.
1 millionnan astam turǵyn bar óńirler:
-
Astana – 1 638 233 adam (jyldyq ósim: +109 530);
-
Almaty oblysy – 1 596 331 adam (+36 207);
-
Jambyl oblysy – 1 215 373 adam (–7 018);
-
Shymkent qalasy – 1 293 648 adam (+37 484);
-
Qaraǵandy oblysy – 1 131 287 adam (–2 646).
Eń az halqy bar óńirler:
-
Ulytaý oblysy – 218 993 adam (–2 297);
-
Soltústik Qazaqstan oblysy – 514 156 adam (–8 015);
-
Abai oblysy – 595 676 adam (–7 156).
2026 jylǵy 1 qańtardaǵy derekke sai, qalalarda turatyn qazaqstandyqtar sany 13 029 803 adamdy qurady (jyl ishinde +256 688), al aýyldyq jerlerde 7 466 172 adam ómir súredi (–44 112).
Osylaisha, elde ýrbanizatsiia úderisi jalǵasyp, qala halqynyń úlesi artyp otyrǵany baiqalady
