26 ادام قازاقستان ۇكىمەتىندە باسشىلىق قىزمەت اتقارادى. ولاردىڭ ىشىندە ۇشەۋى عانا ايەل، دەپ حابارلايدى Dalanews.kz NewTimes.kz-كە سىلتەپ.
راسىندا، 26 ءمينيستردىڭ ىشىندە نەبارى ۇشەۋى عانا ايەل. ولار – مادەنيەت جانە اقپارات ءمينيسترى ايدا بالايەۆا، دەنساۋلىق ساقتاۋ ءمينيسترى اقمارال ءالنازاروۆا جانە ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.
جاس ەرەكشەلىگى بويىنشا دا قىزىق تۇستارى بار:
- ەڭ جاسى ۇلكەنى – ەكولوگيا جانە تابيعي رەسۋرستار ءمينيسترى ەرلان نىسانبايەۆ، ول 1961 جىلى تۋعان.
- ەڭ جاس مينيسترلەر قاتارىندا توتەنشە جاعدايلار ءمينيسترى شىڭعىس ءارىنوۆ پەن سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ بار، ەكەۋى دە 1983 جىلى تۋعان.
- سونداي-اق، 1984 جىلى دۇنيەگە كەلگەن تۋريزم جانە سپورت ءمينيسترى ەربول مىرزابوسىنوۆ بار.
ءبىر جىلدا تۋعان زامانداستار دا جوق ەمەس. ولار - سەرىك جۇمانعارين، قانات بوزىمبايەۆ، عاني بەيسەمبايەۆ جانە داۋرەن قوسانوۆ. ءبارى دە 1969 جىلى تۋعان.
