26 адам Қазақстан Үкіметінде басшылық қызмет атқарады. Олардың ішінде үшеуі ғана әйел, деп хабарлайды Dalanews.kz NewTimes.kz-ке сілтеп.
Расында, 26 министрдің ішінде небәрі үшеуі ғана әйел. Олар – мәдениет және ақпарат министрі Аида Балаева, денсаулық сақтау министрі Ақмарал Әлназарова және еңбек және халықты әлеуметтік қорғау министрі Светлана Жақыпова.
Жас ерекшелігі бойынша да қызық тұстары бар:
- Ең жасы үлкені – экология және табиғи ресурстар министрі Ерлан Нысанбаев, ол 1961 жылы туған.
- Ең жас министрлер қатарында төтенше жағдайлар министрі Шыңғыс Әрінов пен цифрлық даму, инновациялар және аэроғарыш өнеркәсібі министрі Жаслан Мәдиев бар, екеуі де 1983 жылы туған.
- Сондай-ақ, 1984 жылы дүниеге келген туризм және спорт министрі Ербол Мырзабосынов бар.
Бір жылда туған замандастар да жоқ емес. Олар - Серік Жұманғарин, Қанат Бозымбаев, Ғани Бейсембаев және Даурен Қосанов. Бәрі де 1969 жылы туған.
