سوڭعى ٷش جىلدا قازاقستانعا كەلەتٸن شەتەلدٸك تۋريستەر سانى جىل سايىن ورتا ەسەپپەن 8–12%-عا ٶسٸپ وتىر. الايدا بۇل ٶسٸم تۇراقتى ٷردٸسكە اينالماي, كٶبٸنە جەكەلەگەن وقيعالار مەن ٸرٸ شارالارعا تەۋەلدٸ بولىپ قالۋدا, دەپ حابارلايدى Dala News.
Qazaq Expert Club ساراپشىسى, تۋريزم سالاسىنىڭ مامانى مەرۋەرت وماردىڭ ايتۋىنشا, شەتەلدٸك قوناقتاردى كٶبٸنە حالىقارالىق كونتسەرتتەر, سپورتتىق ماتچتار, كٶرمەلەر مەن مەدەني ٸس-شارالار تارتادى. مىسالى, 2025 جىلى «قايرات» فۋتبول كلۋبىنىڭ تٶرت ويىنى الماتىعا 4 مىڭنان استام شەتەلدٸك جانكٷيەر ەكەلٸپ, قالا ەكونوميكاسىنا شامامەن 3 ملرد تەڭگە كٸرٸس تٷسٸرگەن. ال «قايرات» پەن «رەال مادريد» اراسىنداعى ماتچ كەزٸندە ٷش كٷننٸڭ ٸشٸندە عانا 5 221 تۋريست تٸركەلگەن.
بۇل كەزەڭدە ەڭ كٶپ كەلگەندەر قىتايدان, رەسەيدەن, ٷندٸستاننان, وڭتٷستٸك كورەيادان جەنە ٶزبەكستاننان بولعان. رەسمي دەرەكتەر بويىنشا, ولار قالا ەكونوميكاسىنا شامامەن 7,8 ملن دوللار ەكەلگەن. بۇل تەك قوناقٷيلەردە تۇرعاندار ەسەبٸنەن الىنعان كٶرسەتكٸش. پەتەر جالداعان نەمەسە تۋىستارىنىڭ ٷيٸندە توقتاعاندار بۇل ستاتيستيكاعا كٸرمەيدٸ.
ساراپشىنىڭ ايتۋىنشا, الماتى ەلٸ دە نەگٸزگٸ تۋريستٸك حاب بولىپ وتىر. 2025 جىلى قالا 1,8 ملن-نان استام تۋريست قابىلداعان. الايدا تٷركٸستان, شىمكەنت, اقتاۋ, ماڭعىستاۋ ٶڭٸرٸ, بۋراباي مەن قوناەۆ سيياقتى باعىتتار دا ەلەۋەتكە يە. بۇل ٶڭٸرلەر قىسقا مەرزٸمدٸ 2–3 كٷندٸك ساياحاتتارعا قولايلى ەرٸ ينفراقۇرىلىمى بٸرتٸندەپ دامىپ كەلەدٸ.
بٷگٸندە بٸر شەتەلدٸك تۋريست قازاقستاندا ورتا ەسەپپەن 1 400 دوللار شاماسىندا قارجى جۇمسايدى. سوعان قاراماستان, تۋريزمنٸڭ ەل ەكونوميكاسىنداعى ٷلەسٸ نەبەرٸ 3,2% دەڭگەيٸندە قالىپ وتىر. بۇل ەلەمدٸك ورتاشا كٶرسەتكٸشتەن تٶمەن. ماماندار بۇل ٷلەستٸ 5-6%-عا دەيٸن جەتكٸزۋگە تولىق مٷمكٸندٸك بار دەپ ەسەپتەيدٸ.
ول ٷشٸن وقيعالىق تۋريزممەن قاتار, ٶڭٸرلٸك باعىتتاردى جٷيەلٸ دامىتۋ قاجەت. قوناەۆتا حالىقارالىق ەۋەجاي اشۋ, اقتاۋ, تٷركٸستان جەنە شىمكەنتكە تٸكەلەي حالىقارالىق رەيستەردٸ كٶبەيتۋ, دايىن تۋريستٸك مارشرۋتتاردى ۇسىنۋ, اعىلشىن تٸلٸندەگٸ ناۆيگاتسييانى دامىتۋ تۇراقتى ٶسٸمگە جول اشاتىن نەگٸزگٸ قادامدار.
ساراپشىنىڭ پٸكٸرٸنشە, وسى ٶزگەرٸستەر جاسالمايىنشا, قازاقستان تۋريزمٸ ماۋسىمدىق سيپاتتان ارىلا المايدى ەرٸ تۇراقتى سەرپٸنگە قول جەتكٸزە المايدى.
