قازاقستان "قۇرتى-بۋرىلبايتال" اۆتوجولىن جٶندەۋگە ۋەدە بەرگەن تٷرٸك كومپانيياسىنان 5,9 ميلليارد تەڭگە اۆانستى سوت ارقىلى قايتارىپ الدى, دەپ حابارلايدى Dalanews.kz.
ەدٸلەت مينيسترلٸگٸنٸڭ اقپاراتىنشا, 2021 جىلعى 25 قازاندا كٶلٸك مينيسترلٸگٸنٸڭ اۆتوموبيل جولدارى كوميتەتٸ "F&A Road Construction" كومپانيياسىمەن "قۇرتى-بۋرىلبايتال" اۆتوجولىن جٶندەۋ تۋرالى كەلٸسٸمشارت جاساسقان. تەحنيكانى جۇمىلدىرۋ جەنە ماتەريالداردى دايىنداۋ ٷشٸن تٷرٸك كومپانيياسىنا 5,9 ميلليارد تەڭگە اۆانس اۋدارعان. الايدا تٷرٸك مەردٸگەرٸ جٶندەۋ جۇمىستارىن باستاماعان. قازاقستان تاراپى جارتى جىلدان كەيٸن كەلٸسٸمشارتتى بٸرجاقتى تەرتٸپپەن بۇزىپ, اۆانستى قايتارۋدى تالاپ ەتكەن. بٸراق تٷرٸك كومپانيياسى مۇنى ورىنداماعان.
"ٷكٸمەتتٸڭ تاپسىرماسىمەن ەدٸلەت مينيسترلٸگٸ مەردٸگەرگە قارسى تٶرەلٸك باستاپ, اقشانى قايتارۋ ٷشٸن بەلسەندٸ شارالار قابىلدادى. 2024 جىلعى سەۋٸردە «White & Case LLP» زاڭ فيرماسىمەن بٸرلەسٸپ پاريجدەگٸ حالىقارالىق ساۋدا پالاتاسىنىڭ تٶرەلٸك سوتىنا ٶتٸنٸش بەرٸلدٸ. جۇمىس بارىسىندا مەملەكەتتٸڭ اقشاسىن قايتارۋعا باسىمدىق جاسالدى. نەتيجەسٸندە 2024 جىلعى ماۋسىمدا مەردٸگەر بٸتٸمگەرشٸلٸك كەلٸسٸم بەكٸتۋدٸ ۇسىندى, ال 2024 جىلعى 28 تامىزدا اۆتوموبيل جولدارى كوميتەتٸ كەلٸسٸمگە قول قويدى. وسى كەلٸسٸمگە سەيكەس مەردٸگەر 2024 جىلعى 26 قىركٷيەككە دەيٸن 5,9 ميلليارد تەڭگە اۆانستى قايتارۋعا, سونداي-اق ەدٸلەت مينيسترلٸگٸنٸڭ شىعىندارىن – قىزمەتتەر ٷشٸن 280 000 دوللار جەنە 85 000 دوللار تٶرەلٸك جارنانى ٶتەۋگە مٸندەتتەلدٸ",- دەپ مەلٸمدەدٸ ەدٸلەت مينيسترلٸگٸ.
ۆەدومستۆو جول مەردٸگەرلەرٸنٸڭ مٸندەتتەمەلەردٸ ورىنداماۋمەن جەنە اۆانستى قايتارماۋىمەن بايلانىستى وسىعان ۇقساس تاعى ٷش ەلەۋەتتٸ داۋ بارىن اتاپ ٶتتٸ.
