ءبىز رەسەيگە قارسى سانكسيالارعا قوسىلمايمىز. ءبىراق رەسپۋبليكا ەكونوميكاسىن ءارتۇرلى كاسىپورىنداردىڭ شەكتەۋ شارالارىن اينالىپ ءوتۋى ءۇشىن دە پايدالانبايدى دەگەن قاعيدانى ۇستانامىز، – دەدى ول.
بۇل رەتتە رەسەي مەن قازاقستاندى تىعىز ەكونوميكالىق قاتىناستار بايلانىستىرادى. سوندىقتان مۇحتار تىلەۋبەردى رەسەيگە قارسى سانكسيالار قازاقستان ەكونوميكاسىنا دا كەرى اسەرىن تيگىزبەي قويمايتىنىن ءتۇسىندىردى. ەلىمىزدىڭ ماسكەۋمەن دە، كييەۆپەن دە دوستىق قارىم-قاتىناستا ەكەنىن ەسكە سالدى.
«رەسەي مەن ۋكراينا – قازاقستاننىڭ سوناۋ تاريحتان بەرى دوستارى. پرەزيدەنت توقايەۆ ەكى ەلدىڭ كوشباسشىلارىمەن ۇنەمى بايلانىستا بولىپ، ولاردىڭ ءوزارا بەيبىتشىلىككە كەلۋىنە شاقىرادى»، – دەدى ق ر سىرتقى ىستەر ءمينيسترى.
ايتا كەتەلىك، بۇعان دەيىن قازاقستان سىرتقى ىستەر ءمينيسترىنىڭ ورىنباسارى الماس ايداروۆ ەلىمىزگە شەتەل ينۆەستيسياسىن تارتۋ ماسەلەسىندە رەسەيدەن سانكسيالارعا بايلانىستى كەتىپ جاتقان حالىقارالىق كومپانيالاردۋ تارتۋ ماڭىزدى ەكەنىن ايتقان.
"بىزگە بۇرىن قازاقستانعا قىزىقپاعان، ەندى رەسەيدەن كەتىپ جاتقان شەتەل كومپانيالارى قىزىقتىرادى. ەلشىلەرىمىز ناۋرىز ايىنان بەرى بارلىق كەڭسەلەرمەن كەلىسسوز جۇرگىزىپ جاتىر، ولارعا جەرگىلىكتى ارىپتەس، الاڭ ىزدەستىرىپ جاتىرمىز.
رەسەيلىك كومپانيالاردى تارتۋ ماڭىزدى ەمەس، ءبىراق ولاردى دا باقىلاپ وتىرمىز. ولاردى ءۇش رەت تەكسەرەمىز.
ونىڭ قۇرىلتايشىسى نەمەسە باس كەڭسەسى سانكسياعا ىلىككەن بولسا، مۇنداي كومپانيالاردىڭ بىزگە كوشۋىن شەكتەيمىز، ويتكەنى ولارمەن قارجى وپەراسيالارىن جۇرگىزۋگە، بانكتەردە قىزمەت كورسەتۋگە بولمايدى"، - دەيدى ءسىم وكىلى.
الماس ايداروۆ قازاقستانداعى ءبىر دە ءبىر كومپانيا تىكەلەي نەمەسە جاناما سانكسياعا ىلىكپەگەنىن ايتتى.
ءمينيستردىڭ ورىنباسارىنىڭ مالىمدەۋىنشە، رەسەي نارىعىنان كەتەتىنىن اشىق مالىمدەگەن 362 شەتەل كومپانياسىنىڭ 62ء-ى قازاقستانعا كوشۋگە دايىن ەكەنىن ايتقان، ءبىراق 21 كومپانيا عانا كەلگەن. ولاردىڭ اراسىندا Honeywell International (اقش)، Indriver، Fortescue Metals Group (اۆستراليا)، Alstom (فرانسيا) بار.
