Biz Reseige qarsy sanktsiialarǵa qosylmaimyz. Biraq respýblika ekonomikasyn ártúrli kásiporyndardyń shekteý sharalaryn ainalyp ótýi úshin de paidalanbaidy degen qaǵidany ustanamyz, – dedi ol.
Bul rette Resei men Qazaqstandy tyǵyz ekonomikalyq qatynastar bailanystyrady. Sondyqtan Muhtar Tileýberdi Reseige qarsy sanktsiialar Qazaqstan ekonomikasyna da keri áserin tigizbei qoimaitynyn túsindirdi. Elimizdiń Máskeýmen de, Kievpen de dostyq qarym-qatynasta ekenin eske saldy.
«Resei men Ýkraina – Qazaqstannyń sonaý tarihtan beri dostary. Prezident Toqaev eki eldiń kóshbasshylarymen únemi bailanysta bolyp, olardyń ózara beibitshilikke kelýine shaqyrady», – dedi QR Syrtqy ister ministri.
Aita ketelik, buǵan deiin Qazaqstan syrtqy ister ministriniń orynbasary Almas Aidarov elimizge shetel investitsiiasyn tartý máselesinde Reseiden sanktsiialarǵa bailanysty ketip jatqan halyqaralyq kompaniialardý tartý mańyzdy ekenin aitqan.
"Bizge buryn Qazaqstanǵa qyzyqpaǵan, endi Reseiden ketip jatqan shetel kompaniialary qyzyqtyrady. Elshilerimiz naýryz aiynan beri barlyq keńselermen kelissóz júrgizip jatyr, olarǵa jergilikti áriptes, alań izdestirip jatyrmyz.
Reseilik kompaniialardy tartý mańyzdy emes, biraq olardy da baqylap otyrmyz. Olardy úsh ret tekseremiz.
Onyń quryltaishysy nemese bas keńsesi sanktsiiaǵa ilikken bolsa, mundai kompaniialardyń bizge kóshýin shekteimiz, óitkeni olarmen qarjy operatsiialaryn júrgizýge, bankterde qyzmet kórsetýge bolmaidy", - deidi SIM ókili.
Almas Aidarov Qazaqstandaǵy bir de bir kompaniia tikelei nemese janama sanktsiiaǵa ilikpegenin aitty.
Ministrdiń orynbasarynyń málimdeýinshe, Resei naryǵynan ketetinin ashyq málimdegen 362 shetel kompaniiasynyń 62-i Qazaqstanǵa kóshýge daiyn ekenin aitqan, biraq 21 kompaniia ǵana kelgen. Olardyń arasynda Honeywell International (AQSh), Indriver, Fortescue Metals Group (Avstraliia), Alstom (Frantsiia) bar.
