بۇل تۋرالى قر ۇلتتىق وليمپيادا كوميتەتٸنٸڭ باسپاسٶز قىزمەتٸ حابارلادى.
توكيوعا «اقبۇلاق» وليمپيادالىق بازاسىنان كاراتەشٸلەر, ساداق اتۋشىلار, ٷستەل تەننيسٸ مەن سەمسەرلەسۋ كومانداسى, اۋىر اتلەتتەر مەن بوكسشىلار اتتاندى. ٶزگە دە جاتتىعۋ بازالارىنان جٷزۋ سپورتىنىڭ, سۋ دوبى سپورتىنىڭ ٶكٸلدەرٸ, جەڭٸل اتلەتتەر, ۆەلوشاباندوزدار, ستەند اتۋ مەن نىسانا كٶزدەۋدەن قۇراما كوماندالار, سونداي-اق, دزيۋدوشىلار توكيوعا جول تارتتى.
اتلەتتەر ەكٸ اپتالىق كارانتيندە بولىپ, سوڭعى جاتتىعۋ جيىندارىن الماتى قالاسى مەن الماتى وبلىسىندا ٶتكٸزدٸ. ويىن قارساڭىنداعى سوڭعى كٷندەردٸ سپورتشىلار وقشاۋلانۋ رەجيمٸندە ٶتكٸزگەن.
«بٸز وليمپيادا ويىندارىنا قاتىسۋشى سپورتشىلاردىڭ قاۋٸپسٸزدٸگٸنە باعىتتالعان حوك پەن توكيو-2020 ۇيىمداستىرۋ كوميتەتٸنٸڭ بارلىق تالاپتارىن ورىندادىق. ۇلتتىق وليمپيادالىق كوميتەت پەن ۇلتتىق فەدەراتسييالار سپورتشىلاردىڭ ساپالى ەرٸ قاۋٸپسٸز دايىندالۋىنا بار جاعدايدى جاسادى. بٸزدٸڭ كومانداداعى 96 سپورتشى ورتاق ەڭبەگٸمٸزدٸ جەمٸسٸ. سپورتشىلار مەن باپكەرلەرگە, سونداي-اق, سپورتتىق دەرٸگەرلەرگە بٸرلەسكەن جۇمىسى ٷشٸن راحمەت ايتامىز», - دەلٸنگەن ۇلتتىق وليمپيادالىق كوميتەتٸنٸڭ جازباسىندا.
وليمپيادالىق قۇرامنىڭ قالعان بٶلٸگٸ 28 شٸلدەگە جوسپارلانعان ەكٸنشٸ رەيسپەن ۇشادى. وندا 43 ادام بار. ولار بالۋاندار, كٶركەم گيمناستيكادان قازاقستان كومانداسى, ەرتٸستٸك جٷزۋ, بەسسايىس جەنە جەڭٸل اتلەتتەردٸڭ قالعان جارتىسى.
8 شٸلدەدەن باستاپ جاپونيياداعى وليمپيادا ويىندارىنداعى قازاقستان ميسسيياسى جۇمىسىن باستاعان.
وليمپيادا اۋىلىنداعى تٸرشٸلٸك تە كارانتين تالاپتارىنا ساي بولماق. تٷرلٸ ەل كوماندالارىنىڭ, ەرتٷرلٸ سپورت تٷرلەرٸندەگٸ اتلەتتەردٸڭ ٶزارا بايلانسۋىنا تىيىم سالىنعان. وليمپيادالىق اۋىل مەن جاتتىعۋ جەنە سپورت زالدارىنىڭ اراسىنداعى مارشرۋتتان اۋىتقۋعا بولمايدى, قوعامدىق كٶلٸكتٸ پايدالانۋعا رۇقسات جوق. كوروناۆيرۋسقا بايلانىستى كٷن سايىن تەست تاپسىرۋ مٸندەتتٸ سانالادى. سونىمەن قاتار, سپورتشىلاردىڭ جٷرگەن ورنى مەن دەنساۋلىق جاعدايىن باقىلايتىن بٸرنەشە قوسىمشالاردى ۇيالى تەلەفونعا ورناتۋ مٸندەتتەلەدٸ.
قازاقستان وليمپيادالىق كومانداسىنىڭ ساپىندا 97 ليتسەنزييا جەڭٸپ العان 96 سپورتشى بار.
وليمپيادا ويىندارىنىڭ اشىلۋ سالتاناتى 23 شٸلدە كٷنٸ نۇر-سۇلتان ۋاقىتىمەن 17:00-دە باستالادى.
