Bul týraly QR Ulttyq olimpiada komitetiniń baspasóz qyzmeti habarlady.
Tokioǵa «Aqbulaq» olimpiadalyq bazasynan karateshiler, sadaq atýshylar, ústel tennisi men semserlesý komandasy, aýyr atletter men boksshylar attandy. Ózge de jattyǵý bazalarynan júzý sportynyń, sý doby sportynyń ókilderi, jeńil atletter, veloshabandozdar, stend atý men nysana kózdeýden qurama komandalar, sondai-aq, dziýdoshylar Tokioǵa jol tartty.
Atletter eki aptalyq karantinde bolyp, sońǵy jattyǵý jiyndaryn Almaty qalasy men Almaty oblysynda ótkizdi. Oiyn qarsańyndaǵy sońǵy kúnderdi sportshylar oqshaýlaný rejiminde ótkizgen.
«Biz Olimpiada oiyndaryna qatysýshy sportshylardyń qaýipsizdigine baǵyttalǵan HOK pen Tokio-2020 uiymdastyrý komitetiniń barlyq talaptaryn oryndadyq. Ulttyq olimpiadalyq komitet pen ulttyq federatsiialar sportshylardyń sapaly ári qaýipsiz daiyndalýyna bar jaǵdaidy jasady. Bizdiń komandadaǵy 96 sportshy ortaq eńbegimizdi jemisi. Sportshylar men bapkerlerge, sondai-aq, sporttyq dárigerlerge birlesken jumysy úshin rahmet aitamyz», - delingen Ulttyq olimpiadalyq komitetiniń jazbasynda.
Olimpiadalyq quramnyń qalǵan bóligi 28 shildege josparlanǵan ekinshi reispen ushady. Onda 43 adam bar. Olar balýandar, kórkem gimnastikadan Qazaqstan komandasy, ártistik júzý, bessaiys jáne jeńil atletterdiń qalǵan jartysy.
8 shildeden bastap Japoniiadaǵy Olimpiada oiyndaryndaǵy Qazaqstan missiiasy jumysyn bastaǵan.
Olimpiada aýylyndaǵy tirshilik te karantin talaptaryna sai bolmaq. Túrli el komandalarynyń, ártúrli sport túrlerindegi atletterdiń ózara bailansýyna tyiym salynǵan. Olimpiadalyq aýyl men jattyǵý jáne sport zaldarynyń arasyndaǵy marshrýttan aýytqýǵa bolmaidy, qoǵamdyq kólikti paidalanýǵa ruqsat joq. Koronavirýsqa bailanysty kún saiyn test tapsyrý mindetti sanalady. Sonymen qatar, sportshylardyń júrgen orny men densaýlyq jaǵdaiyn baqylaityn birneshe qosymshalardy uialy telefonǵa ornatý mindetteledi.
Qazaqstan olimpiadalyq komandasynyń sapynda 97 litsenziia jeńip alǵan 96 sportshy bar.
Olimpiada oiyndarynyń ashylý saltanaty 23 shilde kúni Nur-Sultan ýaqytymen 17:00-de bastalady.
