قازاقستان رەسەي باسشىسى ۆلاديمير پۋتيندٸ تۇتقىنداۋعا وردەر بەرگەن حالىقارالىق قىلمىستىق سوتتىڭ شەشٸمٸن ورىندامايدى. قازاقستان سىرتقى ٸستەر مينيسترلٸگٸنٸڭ 5 سەۋٸر كٷنگٸ حابارلاماسىنان وسىنى اڭعارۋعا بولادى.
"قازاقستان گااگاداعى حالىقارالىق قىلمىستىق سوتتىڭ قۇرىلتاي قۇجاتى – ريم ستاتۋتىنا قاتىسۋشى بولىپ تابىلمايدى. تيٸسٸنشە, بۇل ستاتۋتتىڭ قازاقستانعا قولدانىسى تارالمايدى جەنە بٸزدٸڭ مەملەكەتٸمٸز ول بويىنشا ەشقانداي مٸندەتتەمە المايدى" دەدٸ قازاقستان سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ازاتتىققا جٸبەرگەن رەسمي جاۋابىندا.
"ۋكراينانىڭ رەسەي باسىپ العان اۋماعىنان بالالاردى زاڭسىز تاسىمالداعانى ٷشٸن" حالىقارالىق قىلمىستىق سوت (گااگا سوتى) ناۋرىزدىڭ ورتاسىندا رەسەي پرەزيدەنتٸ ۆلاديمير پۋتيندٸ تۇتقىنداۋعا وردەر بەرگەن. وسىعان ۇقساس وردەر رەسەيدەگٸ بالا قۇقىعىن قورعاۋ جٶنٸندەگٸ ومبۋدسمەن مارييا لۆوۆا-بەلوۆاعا دا بەرٸلدٸ.
بۇرىنعى سوۆەت رەسپۋبليكالارى اراسىندا ستاتۋتتى بالتىق ەلدەرٸ, گرۋزييا, تەجٸكستان راتيفيكاتسييالاعان. جۋىردا ارمەنييا كونستيتۋتسييالىق سوتى ريم ستاتۋتى ەلدٸڭ كونستيتۋتسيياسىنا قايشى كەلمەيدٸ دەگەن قاۋلى شىعارعان.
ريم ستاتۋتىن راتيفيكاتسييالاعان مەملەكەتتەردٸڭ بيلٸگٸ پۋتين سول ەلدەردٸڭ بٸرٸنە بارعان جاعدايدا ونى تۇتقىنداۋعا مٸندەتتٸ.
دەگەنمەن بۇعان دەيٸن رەسمي ەرەۆان پۋتيندٸ تۇتقىندامايتىنىن مەڭزەپ, بۇل تۇرعىدا ەرەۆان مەسكەۋمەن كەلٸسٸم جاساۋى مٷمكٸن ەكەنٸن دە جوققا شىعارماعان. ەرەۆاننىڭ تٷسٸندٸرۋٸنشە, ارمەنييا ەزەربايجاننىڭ تاۋلى قاراباقتاعى "ەسكەري قىلمىسىنا" بايلانىستى حالىقارالىق قىلمىستىق سوتقا شاعىم تٷسٸرگٸسٸ كەلەدٸ.
بۇعان دەيٸن پۋتين قازاقستانعا وسى كٷزدە ساپارلاپ كەلەتٸنٸ حابارلانعان ەدٸ.
رەسەيگە تەۋەلدٸ قازاقستان رەسەيدٸڭ ۋكرايناعا باسقىنشىلىعىن اشىق ايىپتاعان جوق. بٸراق ۋكراينانىڭ اۋماقتىق تۇتاستىعىن قولدايتىنىن, ۋكراينانىڭ شىعىسىنداعى سەپاراتيستٸك قۇرىلىمداردى مويىندامايتىنىن ايتقان. بۇۇ-دا رەسەي باسقىنشىلىعىن ايىپتاعان قارارلارعا داۋىس بەرۋ كەزٸندە قازاقستان كٶپ جاعدايدا قالىس قالادى.
