قازاقستان پاسپورتى Henley Passport Index 2026 حالىقارالىق رەيتينگٸندە 66-ورىنعا يە بولىپ, ورتالىق ازييا ەلدەرٸ اراسىندا كٶش باستادى. يندەكس دەرەگٸنە سەيكەس, قازاقستاندىقتار الدىن الا ۆيزا رەسٸمدەمەي, ەلەمنٸڭ 77 باعىتىنا بارا الادى, دەپ حابارلايدى dalanews.kz.
ٶتكەن جىلى قازاقستان بۇل رەيتينگتە 65-ورىندا بولعان. بيىل جالپى تٸزٸمدە بٸر ساتى تٶمەندەگەنٸنە قاراماستان, ەل ٶڭٸردەگٸ كٶشباسشىلىق ورنىن ساقتاپ قالدى. Henley Passport Index تٶلقۇجاتتاردىڭ كٷشٸن ولاردىڭ يەلەرٸ الدىن الا ۆيزا الماي بارا الاتىن باعىتتاردىڭ سانى بويىنشا باعالايدى. 2026 جىلعى رەيتينگتە 199 ەلدٸڭ پاسپورتى مەن ساياحاتتاۋعا بولاتىن 227 باعىت قامتىلعان.
ورتالىق ازييا ەلدەرٸ اراسىندا قازاقستان ەڭ جوعارى كٶرسەتكٸشكە يە بولدى. ودان كەيٸن قىرعىزستان, ٶزبەكستان, تەجٸكستان جەنە تٷرٸكمەنستان ورنالاسقان.
يندەكس دەرەگٸنە سەيكەس, قىرعىزستان 59 باعىتقا ۆيزاسىز بارۋ مٷمكٸندٸگٸمەن 81-ورىنعا, ٶزبەكستان 57 باعىتپەن 82-ورىنعا, ال تەجٸكستان 52 باعىتپەن 87-ورىنعا جايعاسقان. تٷرٸكمەنستان 44 باعىت كٶرسەتكٸشٸمەن 93-ورىنعا يە بولدى.
قازاقستان پاسپورتىنىڭ رەيتينگٸ جىلدار ٸشٸندە قالاي ٶزگەردٸ?
سوڭعى 20 جىلدا قازاقستان پاسپورتىنىڭ Henley Passport Index رەيتينگٸندەگٸ ورنى بٸرنەشە رەت ٶزگەرگەن. 2006 جىلى قازاقستان 68-ورىندا بولسا, 2008 جەنە 2009 جىلدارى 65-ساتىعا كٶتەرٸلگەن.
قاراستىرىلىپ وتىرعان كەزەڭدەگٸ ەڭ تٶمەن كٶرسەتكٸش 2015 جىلى تٸركەلدٸ. سول كەزدە قازاقستان 76-ورىنعا تٷسكەن. 2021 جىلى ەل 75-ساتىدا بولدى, كەيٸن رەيتينگتەگٸ ورنىن بٸرتٸندەپ جاقسارتا باستادى. 2022 جىلى قازاقستان 68-ورىنعا, 2023 جىلى 70-ورىنعا تۇراقتادى. 2024 جىلى 66-ساتىعا كٶتەرٸلٸپ, 2025 جىلى 65-ورىنعا جەتتٸ. ال 2026 جىلعى رەيتينگتە بٸر ساتى تٶمەندەپ, 66-ورىنعا ورنالاستى.
