قىركٷيەك ايىندا وپەك+ اياسىنداعى سەگٸز مەملەكەت مۇناي ٶندٸرۋ كٶلەمٸنە قاتىستى ەرٸكتٸ شەكتەۋلەردٸ تەۋلٸگٸنە 547 مىڭ باررەلگە قىسقارتادى. بۇل قازاقستاننىڭ قىركٷيەك ايىندا مۇناي ٶندٸرٸسٸن تەۋلٸگٸنە 1,5 ملن باررەلگە دەيٸن ۇلعايتۋعا مٷمكٸندٸك بەرەدٸ, دەپ حابارلايدى Dalanews.kz.
بۇل تۋرالى ۇيىمنىڭ رەسمي باسپاسٶز حابارلاماسىندا ايتىلعان.
"قازاقستان, رەسەي, ساۋد ارابيياسى, باە, يراك, كۋۆەيت, الجير جەنە ومان عالامدىق مۇناي نارىعىنداعى تۇراقتىلىقتى قولداۋعا دايىن ەكەندٸكتەرٸن راستادى. ولار نارىقتاعى تۇراقتى سۇرانىستى, قورلاردىڭ تٶمەن دەڭگەيٸن جەنە قولايلى ٸرگەلٸ كٶرسەتكٸشتەردٸ اتاي كەلە, بۇل ٶزدەرٸنٸڭ الدىندا ەنگٸزٸلگەن ەرٸكتٸ شەكتەۋلەردٸ جويۋدىڭ كەزەكتٸ كەزەڭٸنە ٶتۋگە مٷمكٸندٸك بەرگەنٸن ناقتىلايدى. اتالعان شەشٸمگە سەيكەس, قىركٷيەك ايىندا سەگٸز ەل تامىز ايىمەن سالىستىرعاندا تەۋلٸگٸنە قويىلعان ەرٸكتٸ شەكتەۋلەردٸ 547 مىڭ باررەلگە قىسقارتادى", دەلٸنگەن رەسمي حابارلامادا.
بۇل - سەۋٸر ايىندا قولعا الىنعان نارىقتىڭ تەۋلٸگٸنە 2,2 ميلليون باررەل مۇناي ٶندٸرٸسٸنە بٸرتٸندەپ ورالۋ جٶنٸندەگٸ كەڭ اۋقىمدى جوسپاردىڭ بٸر بٶلٸگٸ. بۇل شەشٸم تۇراقتى ەكونوميكالىق بولجامدار مەن نارىقتاعى قولايلى جاعداي, اتاپ ايتقاندا, ەلەمدٸك مۇناي قورلارىنىڭ تٶمەن دەڭگەيٸ اياسىندا قابىلداندى. وسىلايشا, قاتىسۋشى ەلدەر ٶزارا كەلٸسٸلگەن ەرٸكتٸ شەكتەۋلەر رەجيمٸنەن جوسپارلانعان مەرزٸمنەن بٸر جىل بۇرىن — 2025 جىلدىڭ قىركٷيەگٸنٸڭ سوڭىندا, ياعني 2026 جىلعا دەيٸن كٷتپەي-اق شىعا الادى. الايدا, نارىقتاعى جاعداي كٷرت ناشارلاسا, بۇل پروتسەسس توقتاتىلۋى نەمەسە مٷلدە جويىلۋى مٷمكٸن.
نارىققا قاتىسۋشىلار يكەمدٸلٸكتٸ ساقتاۋ ولارعا نارىقتىڭ اۋىتقۋلارىنا تەزٸرەك بەيٸمدەلۋگە جەنە 2024 جىلدىڭ قاڭتارىنان باستاپ جيناقتالعان ارتىق ٶندٸرٸس كٶلەمٸن ٶتەۋ بويىنشا مٸندەتتەمەلەردٸ ورىنداۋعا مٷمكٸندٸك بەرەتٸنٸن اتاپ ٶتتٸ. مونيتورينگ JMMC ۋاعدالاستىقتارىنىڭ ورىندالۋىن باقىلاۋدى قوسا العاندا, بۇرىن كەلٸسٸلگەن وپەك+ تەتٸكتەرٸ شەڭبەرٸندە جٷرگٸزٸلەتٸن بولادى.
سەگٸز ەلدٸڭ كەلەسٸ كەزدەسۋٸ 2025 جىلدىڭ 7 قىركٷيەگٸندە ٶتەدٸ. ونىڭ قورىتىندىسى بويىنشا وپەك+ ەلدەرٸ نارىقتىڭ جاي-كٷيٸن جەنە اعىمداعى شارالاردىڭ تيٸمدٸلٸگٸن باعامدايدى.
وپەك+ مەلٸمەتٸنشە, قىركٷيەك ايىندا ەڭ جوعارى كۆوتالار كەلەسٸ ەلدەرگە بٶلٸنبەك:
- ساۋد ارابيياسى – 9,978 ملن بارر./تەۋلٸك,
- رەسەي – 9,449 ملن,
- يراك – 4,220 ملن,
- باە – 3,375 ملن,
- كۋۆەيت – 2,548 ملن,
- الجير – 959 مىڭ,
- ومان – 801 مىڭ.
