قازاقستان مۇنايى وڭتٷستٸك كورەياعا تاسىمالدانادى, دەپ حابارلايدى Dalanews.kz.
قازاقستان رەسپۋبليكاسىنىڭ ەنەرگەتيكا مينيسترلٸگٸندە ستراتەگييالىق ەنەرگەتيكالىق سەرٸكتەستٸكتٸڭ كەلەشەگٸن تالقىلاۋ ٷشٸن كەلگەن كورەيا رەسپۋبليكاسىنىڭ ٶكٸلەتتٸ دەلەگاتسيياسىمەن بٸرقاتار جۇمىس كەزدەسۋلەرٸ ٶتكەن بولاتىن.
ساپار اياسىندا قر ەنەرگەتيكا مينيسترٸ ەرلان اقكەنجەنوۆ كورەيا رەسپۋبليكاسىنىڭ جوعارى لاۋازىمدى دەلەگاتسيياسىمەن كەزدەسۋ ٶتكٸزدٸ. تاراپتار مەملەكەتتەر اراسىنداعى ساياسي ديالوگتىڭ جوعارى دەڭگەيٸن اتاپ ٶتٸپ, ٸرٸ ينفراقۇرىلىمدىق جەنە تەحنولوگييالىق باستامالاردى ٸسكە اسىرۋعا ەكٸجاقتى مٷددەلٸلٸكتٸ راستادى. سالالىق ىنتىماقتاستىقتىڭ پراكتيكالىق مەسەلەلەرٸ كورەيا رەسپۋبليكاسىنىڭ جاڭا ساۋدا, ٶنەركەسٸپ جەنە رەسۋرستار مينيسترٸ كيم چون كۆانمەن ٶتكەن كەڭەيتٸلگەن كەزدەسۋدە تالقىلاندى. ۆەدومستۆو باسشىلارى وتىن-ەنەرگەتيكا كەشەنٸندەگٸ بٸرلەسكەن جوبالاردى دامىتۋدىڭ جاڭا كەزەڭٸنٸڭ باعىتتارىن ەگجەي-تەگجەيلٸ قاراستىردى.
كٷن تەرتٸبٸندە مۇناي-گاز سالاسىنداعى ىنتىماقتاستىققا ەرەكشە كٶڭٸل بٶلٸندٸ. قازاقستان تاراپى كورەيا ۇلتتىق مۇناي كورپوراتسيياسىنىڭ (KNOC) ەل نارىعىنداعى تابىستى ەرٸ كٶپجىلدىق تەجٸريبەسٸن اتاپ ٶتتٸ. سونداي-اق قازاقستاندىق شيكٸ مۇنايدى وڭتٷستٸك كورەياعا تۇراقتى ەرٸ ٶزارا تيٸمدٸ جەتكٸزۋ مەسەلەسٸ بويىنشا ورتاق ۇستانىمعا كەلدٸ.
ەلەكتر ەنەرگەتيكاسى دا نەگٸزگٸ تاقىرىپتاردىڭ بٸرٸ بولدى. بۇل سالاداعى باستى سەرٸكتەس – Doosan Enerbility كورپوراتسيياسى. كومپانييا اتىراۋ وبلىسىندا قۋاتى 310 مۆت بولاتىن «قاراباتان» بۋ-گاز قوندىرعىسىن سەتتٸ ٸسكە اسىرعان. قازٸرگٸ ۋاقىتتا تٷركٸستان وبلىسىندا قۋاتى 1000 مۆت بولاتىن ٸرٸ جوبانىڭ باس مەردٸگەرٸ بولىپ جۇمىس جٷرگٸزٸپ جاتىر.
كەزدەسۋلەر قورىتىندىسىندا وڭتٷستٸككورەيالىق كومپانييالارعا قازاقستانداعى جاڭا ينفراقۇرىلىمدىق جوبالارعا تەك مەردٸگەر رەتٸندە ەمەس, تولىققاندى بٸرلەسكەن ينۆەستور رەتٸندە قاتىسۋ ۇسىنىلدى.
ەكٸ ەلدٸڭ ٶكٸلدەرٸ الداعى ۋاقىتتا دا وزىق تەحنولوگييالاردى ەنگٸزۋ ارقىلى ورنىقتى ەكونوميكالىق دامۋعا نەگٸزدەلگەن ستراتەگييالىق ەنەرگەتيكالىق ەرٸپتەستٸكتٸ نىعايتۋعا نيەت بٸلدٸردٸ.
