قازاقستان مەن حانچجوۋ اراسىنداعى ىنتىماقتاستىقتىڭ جاڭا ۆەكتورلارى بەلگىلەندى

جاربول كەنت ۇلى 04 ماۋ. 2024 13:02 1236

استانادا جۇڭگو حانچجوۋ قالاسىنىڭ قازاقستانمەن اراسىنداعى ساۋدا-ەكونوميكالىق ىنتىماقتاستىق فورۋمى ءوتتى، – دەپ حابارلايدى Dalanews.kz.

ءىس-شاراعا قازاقستاننىڭ سىرتقى ساۋدا پالاتاسىنىڭ ءتوراعاسى مۇرات قارىمساقوۆ قاتىسىپ، ەكىجاقتى ىنتىماقتاستىقتىڭ ماڭىزىن جانە ارىپتەستىك قاتىناستاردى ودان ءارى دامىتۋعا دايىن ەكەنىن اتاپ ءوتتى.

فورۋمدا جوعارى تەحنولوگيالار مەن يننوۆاسيالار سالاسىنداعى ىنتىماقتاستىق ماسەلەلەرى تالقىلاندى. قاتىسۋشىلار وزىق ازىرلەمەلەرمەن الماسۋ جانە ەكونوميكانىڭ ءتۇرلى سالالارىنا يننوۆاسيالىق شەشىمدەردى ەنگىزۋگە دايىن ەكەنىن ءبىلدىردى. سونداي-اق، تۇراقتى ەكونوميكالىق دامۋ مەن جاڭا جۇمىس ورىندارىن قۇرۋدىڭ كىلتى – شاعىن جانە ورتا بيزنەستى قولداۋدىڭ ماڭىزىن ايتتى. 

كونفەرەنسيا اگروونەركاسىپ كەشەنى جانە اۋىل شارۋاشىلىعى سالاسىنداعى ىنتىماقتاستىقتى تالقىلاۋ الاڭىنا اينالدى. ەكى تاراپ اۋىل ءوندىرىسىن دامىتۋدىڭ تيىمدىلىگىن ارتتىرۋ جانە اگرارلىق سەكتورعا تەحنولوگيالاردى ەنگىزۋ بويىنشا بىرلەسىپ جۇمىس ىستەۋگە ۋاعدالاستى.

 فورۋم قازاقستاندىق جانە قىتايلىق كومپانيالار اراسىنداعى ءوزارا تۇسىنىستىك جانە ىنتىماقتاستىق تۋرالى بىرنەشە مەموراندۋمعا قول قويۋمەن اياقتالدى. بۇل حالىقارالىق شارا حانچجوۋ مەن قازاقستان اراسىنداعى ەكونوميكالىق ىنتىماقتاستىقتى تەرەڭدەتۋ جولىنداعى ماڭىزدى قادام بولدى.


ۇسىنىلعان
سوڭعى جاڭالىقتار