بٸرٸككەن مەدەنيەتتەردٸڭ X فورۋمى اياسىندا قر مەدەنيەت جەنە اقپارات مينيسترٸ ايدا بالاەۆا مەن رەسەي فەدەراتسيياسى مەدەنيەت مينيسترٸ ولگا ليۋبيموۆا كەزدەستٸ, دەپ حابارلايدى Dalanews.kz.
كەزدەسۋدٸڭ نەگٸزگٸ تاقىرىپتارىنىڭ بٸرٸ – ۇلى جەڭٸستٸڭ 80 جىلدىعىن مەرەكەلەۋگە دايىندىققا قاتىستى كەلٸسٸمدەردٸ تالقىلاۋ بولدى. بۇل تۋرالى مەملەكەت باسشىسى ٷشٸنشٸ ۇلتتىق قۇرىلتايدا اتاپ ٶتكەن بولاتىن. پرەزيدەنت دايىندىقتى باستاۋعا تاپسىرما بەرٸپ, ەل قورعاعان ەرلەردٸڭ ەسٸمٸن جاڭعىرتۋ جەنە تاريحي ەدٸلدٸكتٸ قالپىنا كەلتٸرۋ باعىتىنداعى جٷيەلٸ جۇمىستىڭ ماڭىزدىلىعىن اتاپ ٶتتٸ. مينيسترلەر وسى باعىتتاعى جۇمىستاردىڭ باعدارىن ايقىندادى.
سونىمەن قاتار تاراپتار ەكٸ ەلدٸڭ تەاتر مەكەمەلەرٸ اراسىنداعى ىنتىماقتاستىقتى دامىتۋ, بەينەلەۋ ٶنەرٸ جەنە انيماتسييا سالاسىنداعى بايلانىستاردى ارتتىرۋ مەسەلەلەرٸن تالقىلاپ, قازاقستان مەن رەسەي كٶرەرمەندەرٸنٸڭ ۇلتتىق كينوعا دەگەن قىزىعۋشىلىعى ارتىپ كەلە جاتقانىن اتاپ ٶتتٸ.
"قازاقستان مەن رەسەي اراسىنداعى مەدەني ىنتىماقتاستىق بەلسەندٸ دامىپ كەلەدٸ. بٸرلەسكەن تابىستى جوبالار, گاسترولدەر مەن حالىقارالىق فەستيۆالدەرگە قاتىسۋ بٸزدٸڭ ورتاق جەتٸستٸگٸمٸزدٸ دەلەلدەيدٸ. بٸز تەاتر, مۋزەي جەنە مۋزىكا سالاسىنداعى ىنتىماقتاستىقتى دامىتۋ ٷشٸن جٷيەلٸ جوسپار قۇرا وتىرىپ, ٶزارا بايلانىستى نىعايتا بەرەمٸز", — دەدٸ ايدا بالاەۆا.
كەزدەسۋگە سونداي-اق رەسەي فەدەراتسيياسى پرەزيدەنتٸنٸڭ حالىقارالىق مەدەني ىنتىماقتاستىق جٶنٸندەگٸ ارنايى ٶكٸلٸ ميحايل شۆىدكوي دا قاتىستى. ول الداعى ماڭىزدى وقيعا — "استانا وپەرا" قازاق ۇلتتىق وپەرا جەنە بالەت تەاترىنىڭ رەسەيدٸڭ ٷلكەن تەاترىنداعى گاسترولٸن اتاپ ٶتٸپ, وندا "اباي" وپەراسى ساحنالاناتىنىن تٸلگە تيەك ەتتٸ.
كەزدەسۋ سوڭىندا تەاتر جەنە مۋزەي ٸسٸن, كرەاتيۆتٸ يندۋسترييالار مەن مۋزىكالىق بٸلٸم بەرۋدٸ ودان ەرٸ دامىتۋ جوسپارلارى تالقىلاندى.
