قازاقستان مەن قىتاي اراسىنداعى ەۋە بايلانىسى الداعى ۋاقىتتا تاعى دا كەڭەيۋٸ مٷمكٸن. قىتايدىڭ Urumqi Airlines ەۋە كومپانيياسى قازاقستانعا ٷش جاڭا حالىقارالىق باعىت بويىنشا تۇراقتى رەيستەردٸ ٸسكە قوسۋدى جوسپارلاپ وتىر. بۇل تۋرالى ازاماتتىق اۆياتسييا كوميتەتٸ مەلٸمدەدٸ, دەپ حابارلايدى dalanews.kz.
مەسەلە كٶلٸك ۆيتسە-مينيسترٸ تالعات لاستاەۆ پەن Urumqi Airlines ەۋە كومپانيياسىنىڭ ۆيتسە-پرەزيدەنتٸ چجان لياننىڭ كەزدەسۋٸ بارىسىندا تالقىلاندى. كەزدەسۋ كەزٸندە قىتايلىق تاسىمالداۋشى ٷرٸمشٸ – قاراعاندى, قۇلجا – استانا جەنە قۇلجا – الماتى باعىتتارى بويىنشا تۇراقتى ەۋە رەيستەرٸن اشۋعا قىزىعۋشىلىق تانىتتى.
ٶز كەزەگٸندە قازاقستاندىق تاراپ ەۋە كومپانيياسىنا مارشرۋتتار جەلٸسٸن كەڭەيتۋدٸ ۇسىنىپ, ٶسكەمەن مەن سەمەيگە, سونداي-اق بولاشاقتا پايدالانۋعا بەرٸلەتٸن زايسان جەنە كاتونقاراعايداعى جاڭا ٶڭٸرلٸك ەۋەجايلارعا دا رەيستەر ورىنداۋ مٷمكٸندٸگٸن قاراستىرۋدى ۇسىندى.
كەزدەسۋ بارىسىندا ٶڭٸرلٸك اۆياتسييانى دامىتۋ مەسەلەسٸ دە سٶز بولدى. Urumqi Airlines كومپانيياسى قىتايلىق COMAC C909 ۇشاقتارىن پايدالاناتىندىقتان, وسى ەۋە كەمەلەرٸ نەگٸزٸندە قازاقستاندا بٸرلەسكەن ٶڭٸرلٸك ەۋە كومپانيياسىن قۇرۋ مٷمكٸندٸگٸ قاراستىرىلىپ جاتىر.
كوميتەتتٸڭ مەلٸمەتٸنشە, مۇنداي جوبا زايسان مەن كاتونقاراعاي سيياقتى تۋريستٸك ەلەۋەتٸ جوعارى ٶڭٸرلەرگە تۇراقتى ەۋە قاتىناسىن جولعا قويۋعا جەنە ٸشكٸ ٶڭٸرلٸك تاسىمالدى دامىتۋعا سەرپٸن بەرۋٸ مٷمكٸن.
