«Dostyq» قازاقستان–پەكٸستان سپورت ورتالىعى سالتاناتتى تٷردە اشىلدى. بۇل شارا قر پرەزيدەنتٸ قاسىم-جومارت توقاەۆتىڭ پەكٸستانعا مەملەكەتتٸك ساپارى اياسىندا ٶتتٸ, دەپ حابارلايدى Dalanews.kz.
2026 جىلعى 2–4 اقپان ارالىعىندا يسلاماباد قالاسىندا قازاقستان رەسپۋبليكاسى تۋريزم جەنە سپورت مينيسترلٸگٸنٸڭ جەنە قازاقستان رەسپۋبليكاسىنىڭ توعىزقۇمالاق فەدەراتسيياسىنىڭ ٶكٸلدەرٸ پەكٸستان يسلام رەسپۋبليكاسىنا جۇمىس ساپارىمەن باردى. ساپار پەكٸستانعا جوسپارلانعان مەملەكەتتٸك ساپارعا دايىندىق اياسىندا ۇيىمداستىرىلدى.
ساپاردىڭ نەگٸزگٸ ماقساتى – قازاقستان مەن پەكٸستان اراسىنداعى ينتەللەكتۋالدىق سپورت تٷرلەرٸ, ونىڭ ٸشٸندە توعىزقۇمالاقتى حالىقارالىق دەڭگەيدە دامىتۋ, بٸرلەسكەن بٸلٸم بەرۋ جەنە سپورتتىق جوبالاردى ٸسكە اسىرۋ, سونداي-اق سپورتتىق ديپلوماتييانى نىعايتۋ بولدى.
دەلەگاتسييا قۇرامى
قازاقستان تاراپىنان ساپارعا قر تۋريزم جەنە سپورت ۆيتسە-مينيسترٸ راپيكوۆ باۋىرجان سەريكبايۇلى , مينيسترلٸك ٶكٸلدەرٸ, قازاقستان رەسپۋبليكاسىنىڭ توعىزقۇمالاق فەدەراتسيياسىنىڭ باسشىلىعى مەن جەتەكشٸ سپورتشىلارى قاتىستى.
دەلەگاتسييا قۇرامىندا دٷنيەجٷزٸلٸك توعىزقۇمالاق فەدەراتسيياسىنىڭ ۆيتسە-پرەزيدەنتٸ– قر توعىزقۇمالاق فەدەراتسيياسىنىڭ پرەزيدەنتٸ ەكٸم تۇرسۇن, توعىزقۇمالاقتان 3 دٷركٸن ەلەم چەمپيونى سەرٸك اقتاەۆ, قر توعىزقۇمالاق فەدەراتسيياسىنىڭ اتقارۋشى ديرەكتورى ازامات قالدىباەۆ جەنە حالىقارالىق دەرەجەدەگٸ سپورت شەبەرلەرٸ, ۇلتتىق زيياتكەرلٸك سپورت تٷرٸن ناسيحاتتاۋشى ماماندار بولدى.
نەگٸزگٸ ٸس-شارالار
3 اقپان كٷنٸ يسلاماباد قالاسىنداعى Pakistan Sports Board بازاسىندا ورنالاسقان قازاقستان–پەكٸستان «Dostyq» سپورت ورتالىعى سالتاناتتى تٷردە اشىلدى.
اشىلۋ رەسٸمٸندە قازاقستان رەسپۋبليكاسى مەن پەكٸستان يسلام رەسپۋبليكاسىنىڭ مەملەكەتتٸك ەنۇراندارى ورىندالدى. پەكٸستاننىڭ پروۆينتسيياارالىق ٷيلەستٸرۋ جٶنٸندەگٸ فەدەرالدى حاتشىسى جەنە قر تۋريزم جەنە سپورت ۆيتسە-مينيسترٸ قۇتتىقتاۋ سٶز سٶيلەدٸ. وسى جەردە توعىزقۇمالاق پەن شاحمات سىنىپتارىنىڭ رەسمي تانىستىرىلىمى ٶتتٸ. قازاقستاندىق ماماندار توعىزقۇمالاقتىڭ تاريحى, ەرەجەلەرٸ جەنە حالىقارالىق دامۋ پەرسپەكتيۆالارى تۋرالى بايانداما جاسادى.
سونىمەن قاتار, توعىزقۇمالاقتان 3 دٷركٸن ەلەم چەمپيونى سەرٸك اقتاەۆ پەكٸستاندىق سپورتشىلار مەن جاتتىقتىرۋشىلارعا ارناپ شەبەرلٸك ساباعىن ٶتكٸزدٸ. ساباق بارىسىندا ويىننىڭ ستراتەگييالىق ەرەكشەلٸكتەرٸ, وقۋ-جاتتىعۋ ەدٸستەمەلەرٸ جەنە حالىقارالىق جارىستارعا دايىندىق تەجٸريبەسٸمەن بٶلٸستٸ.
قۇجاتتارعا قول قويۋ
ساپار بارىسىندا ينتەللەكتۋالدىق جەنە ۇلتتىق سپورت تٷرلەرٸن دامىتۋعا باعىتتالعان كەلەسٸ ماڭىزدى قۇجاتتارعا قول قويىلدى.
قازاقستان–پەكٸستان «Dostyq» سپورت ورتالىعىن قۇرۋ تۋرالى مەموراندۋم تٷزٸلدٸ. قازاقستان مەن پەكٸستان اراسىنداعى 2026 جىلعا ارنالعان سپورتتىق ٸس-شارالار جول كارتاسى, ونىڭ ٸشٸندە توعىزقۇمالاق بويىنشا بٸرلەسكەن تۋرنيرلەر مەن وقۋ سەمينارلارىن ٶتكٸزۋ كەلٸسٸلدٸ. توعىزقۇمالاقتى پەكٸستان اۋماعىندا دامىتۋعا باعىتتالعان ىنتىماقتاستىق جٶنٸندەگٸ ۋاعدالاستىقتار جاسالدى.
مەدەني باعدارلاما
رەسمي ٸس-شارالارمەن قاتار, دەلەگاتسييا يسلاماباد قالاسىنداعى «لوك ۆيرسا» حالىقتىق مۇرا مۋزەيٸن جەنە پەكٸستان مونۋمەنتٸن ارالادى. پەكٸستاندىق ەرٸپتەستەر تاراپىنان رەسمي قابىلداۋلار مەن جۇمىس كەزدەسۋلەرٸ ۇيىمداستىرىلدى.
ساپاردىڭ ماڭىزى
بۇل ساپار قازاقستان مەن پەكٸستان اراسىنداعى دوستىق قارىم-قاتىناستى نىعايتىپ قانا قويماي, توعىزقۇمالاقتى حالىقارالىق دەڭگەيدە ٸلگەرٸلەتۋگە, بٸرلەسكەن وقۋ-جاتتىعۋ جيىندارىن, تۋرنيرلەر مەن بٸلٸم بەرۋ باعدارلامالارىن ٶتكٸزۋگە جاڭا مٷمكٸندٸكتەر اشتى.
قازاقستان رەسپۋبليكاسىنىڭ توعىزقۇمالاق فەدەراتسيياسى ٷشٸن بۇل ساپار ۇلتتىق زيياتكەرلٸك سپورت تٷرٸن وڭتٷستٸك ازييا ايماعىندا تانىتۋ جولىنداعى ماڭىزدى قادام بولدى.
