بۇل ىندەت باستالعالى بەرى ەلىمىزدە تىركەلگەن ەڭ جوعارى كورسەتكىش. دارىگەرلەر مۇنى كوپشىلىك اراسىندا تەز تارالاتىن دەلتا-شتاممىمەن بايلانىستىرادى. ولاردىڭ ايتۋىنشا، “دەلتا” شتاممىن جۇقتىرۋ اۋرۋحاناعا جاتقىزۋ مەن ءولىم ءقاۋپىن ەداۋىر ارتتىرادى.
بۇل كوروناۆيرۋستىڭ ەڭ ءقاۋىپتى جانە اگرەسسيۆتى شتاممى دەپ سانالادى.
ونىڭ ىشىندە:
- نۇر-سۇلتان قالاسىندا – 799،
- الماتى قالاسىندا - 396،
- شىمكەنت قالاسىندا – 161،
- اقمولا وبلىسىندا – 130،
- اقتوبە وبلىسىندا - 69،
- الماتى وبلىسىندا - 92،
- اتىراۋ وبلىسىندا - 149،
- شىعىس قازاقستان وبلىسىندا - 66،
- جامبىل وبلىسىندا - 57،
- باتىس قازاقستان وبلىسىندا - 186،
- قاراعاندى وبلىسىندا - 499،
- قوستاناي وبلىسىندا - 54،
- قىزىلوردا وبلىسىندا - 33،
- ماڭعىستاۋ وبلىسىندا - 196،
- پاۆلودار وبلىسىندا - 87،
- سولتۇستىك قازاقستان وبلىسىندا - 12،
- تۇركىستان وبلىسىندا - 45.
رەسپۋبليكادا پاندەميا باستالعالى ىندەتكە شالدىققاندار سانى 436 962 ادامعا جەتتى.
سونىمەن قاتار وتكەن تاۋلىكتە ەلدە 1 248 ادام كوروناۆيرۋس ينفەكسياسىنان جازىلىپ شىقتى.
ايتا كەتەلىك بۇعان دەيىن Dalanews.kz - كە پىكىر بىلدىرگەن پروفەسسور-يممۋنولوگ الماز شارمان "ءۇندى" شتاممى بالالارعا دا جۇعا باستاعانىن ايتقان ەدى.
"بالالار اراسىندا “دەلتا” شتامىن جۇقتىرۋ 5 ەسە جيىلەي باستادى. ياعني، COVID-19 ۆيرۋسى جاساردى، ءبىراق بالالاردا ينفەكسيانىڭ قانشالىقتى اگرەسسيۆتى جۇرەتىنى ازىرگە بەلگىسىز. ەرەسەكتەرگە كەلەتىن بولساق، “دەلتا” ينفەكسياسىن ءالى ەگىلمەگەن ادامدار جۇقتىرۋعا بەيىم. ۆاكسينا كەز-كەلگەن كۆي نۇسقالارىنا قارسى جالعىز ءتيىمدى قۇرال بولىپ قالا بەرمەك. ۆاكسينا العاندار وزدەرىنىڭ يممۋندىق جۇيەسى “دەلتا” نۇسقاسىنان قورعاي الادى دەپ سەنىمدىلىكپەن ايتا الادى. ال ۆاكسيناسيالانباعاندار پاندەميانىڭ ينفەكسيا مەن ءولىم ءقاۋپى وتە جوعارى بولىپ تۇرعان ەڭ ءقاۋىپتى كەزەڭىندە ەكەندىكتەرىن تۇسىنۋلەرى كەرەك، – دەدى الماز شارمان.
ول سونىمەن بىرگە، پاندەميامەن كۇرەسۋدىڭ جالعىز ءتيىمدى جولى ۆاكسيناسيا ەكەنىن اتاپ ءوتتى. بۇگىنگى تاڭدا الەمدە كۆي ۆاكسيناسىنىڭ 3 ملرد استام دوزاسى ەنگىزىلگەن، بۇل 100 ادامعا شامامەن 39 دوزانى قۇرايدى. الايدا، ۆاكسيناسيامەن نەگىزىنەن اقش، يزرايل جانە ەۋروپا ەلدەرىنىڭ حالقى قامتىلعان. قازاقستاندا تۇرعىنداردىڭ تەك 17%-ى عانا ۆاكسينانىڭ ءبىرىنشى كومپونەنتىن الدى.
