Bul indet bastalǵaly beri elimizde tirkelgen eń joǵary kórsetkish. Dárigerler muny kópshilik arasynda tez taralatyn delta-shtammymen baılanystyrady. Olardyń aıtýynsha, “delta” shtammyn juqtyrý aýrýhanaǵa jatqyzý men ólim qaýpin edáýir arttyrady.
Bul koronavırýstyń eń qaýipti jáne agressıvti shtammy dep sanalady.
Onyń ishinde:
- Nur-Sultan qalasynda – 799,
- Almaty qalasynda - 396,
- Shymkent qalasynda – 161,
- Aqmola oblysynda – 130,
- Aqtóbe oblysynda - 69,
- Almaty oblysynda - 92,
- Atyraý oblysynda - 149,
- Shyǵys Qazaqstan oblysynda - 66,
- Jambyl oblysynda - 57,
- Batys Qazaqstan oblysynda - 186,
- Qaraǵandy oblysynda - 499,
- Qostanaı oblysynda - 54,
- Qyzylorda oblysynda - 33,
- Mańǵystaý oblysynda - 196,
- Pavlodar oblysynda - 87,
- Soltústik Qazaqstan oblysynda - 12,
- Túrkistan oblysynda - 45.
Respýblıkada pandemıa bastalǵaly indetke shaldyqqandar sany 436 962 adamǵa jetti.
Sonymen qatar ótken táýlikte elde 1 248 adam koronavırýs ınfeksıasynan jazylyp shyqty.
Aıta ketelik buǵan deıin Dalanews.kz - ke pikir bildirgen profesor-ımmýnolog Almaz Sharman "úndi" shtammy balalarǵa da juǵa bastaǵanyn aıtqan edi.
"Balalar arasynda “delta” shtamyn juqtyrý 5 ese jıileı bastady. Iaǵnı, COVID-19 vırýsy jasardy, biraq balalarda ınfeksıanyń qanshalyqty agressıvti júretini ázirge belgisiz. Eresekterge keletin bolsaq, “delta” ınfeksıasyn áli egilmegen adamdar juqtyrýǵa beıim. Vaksına kez-kelgen KVI nusqalaryna qarsy jalǵyz tıimdi qural bolyp qala bermek. Vaksına alǵandar ózderiniń ımýndyq júıesi “delta” nusqasynan qorǵaı alady dep senimdilikpen aıta alady. Al vaksınasıalanbaǵandar pandemıanyń ınfeksıa men ólim qaýpi óte joǵary bolyp turǵan eń qaýipti kezeńinde ekendikterin túsinýleri kerek, – dedi Almaz Sharman.
Ol sonymen birge, pandemıamen kúresýdiń jalǵyz tıimdi joly vaksınasıa ekenin atap ótti. Búgingi tańda álemde KVI vaksınasynyń 3 mlrd astam dozasy engizilgen, bul 100 adamǵa shamamen 39 dozany quraıdy. Alaıda, vaksınasıamen negizinen AQSH, Izraıl jáne Eýropa elderiniń halqy qamtylǵan. Qazaqstanda turǵyndardyń tek 17%-y ǵana vaksınanyń birinshi komponentin aldy.
