قازاقستان كاسپيي تەڭٸزٸ ارقىلى يرانعا ماي ٶنٸمدەرٸن ەكسپورتتاۋدىڭ جاڭا باعىتىن بەلسەندٸ دامىتا باستادى. اقتاۋ پورتىنان 4 سەۋٸر كٷنٸ 5 مىڭ توننا راپس مايى تيەلگەن العاشقى كەمە جٶنەلتٸلسە, ٶتكەن اپتادا ەكٸنشٸ پارتييا جول تارتقان, دەپ حابارلايدى dalanews.kz.
مايلى داقىلداردى ٶڭدەۋشٸلەر ۇلتتىق قاۋىمداستىعىنىڭ دەرەگٸنشە, يران جىل سايىن شامامەن 3,5 ملن توننا ٶسٸمدٸك مايى مەن شروت يمپورتتايدى. كەيٸنگٸ ٷش جىلدا قازاقستان بۇل ەلگە 100 مىڭ توننادان استام ٶنٸم ەكسپورتتاعان. ونىڭ نەگٸزگٸ بٶلٸگٸ شروت بولعانىمەن, ەندٸ وتاندىق ٶندٸرۋشٸلەر ماي ەكسپورتىن ارتتىرۋعا مٷددەلٸ.
سالا ٶكٸلدەرٸنٸڭ باعالاۋىنشا, قازاقستان الداعى ۋاقىتتا يرانعا جىلىنا 150-200 مىڭ تونناعا دەيٸن ماي جەتكٸزە الادى. ال پەرسپەكتيۆادا ماي مەن شروت ەكسپورتىنىڭ جالپى كٶلەمٸن 500 مىڭ تونناعا دەيٸن ۇلعايتۋ جوسپاردا بار.
ماماندار ەكسپورتتىق باعىتتىڭ دامۋىنا ەاەو مەن يران اراسىنداعى كەلٸسٸم اياسىنداعى جەڭٸلدەتٸلگەن ساۋدا رەجيمٸ وڭ ەسەر ەتٸپ وتىرعانىن ايتادى. سونىمەن قاتار اقتاۋ پورتىندا مايدى تسيستەرنالاردان تٸكەلەي كەمەلەرگە قۇيۋعا مٷمكٸندٸك بەرەتٸن تەحنيكالىق ينفراقۇرىلىم پايدا بولعان.
الايدا نارىقتىڭ تولىققاندى دامۋىنا كەدەرگٸ دە جوق ەمەس. ساراپشىلار اقتاۋ پورتىندا ارنايى ماي قۇيۋ تەرمينالىنىڭ بولماۋى ەكسپورت كٶلەمٸن ۇلعايتۋعا ەزٸرگە قولبايلاۋ بولىپ وتىرعانىن اتاپ ٶتتٸ.
