قازاقستان ٸٸم ادامداردى ەسٸرتكٸ جەلٸسٸنە تارتۋدىڭ حالىقارالىق ارناسىن جويدى. بٸر جىلدان استام ۋاقىتقا سوزىلعان اۋقىمدى ارنايى وپەراتسييا بٸرنەشە مەملەكەتتٸڭ اۋماعىن قامتىدى, دەپ حابارلايدى dalanews.kz.
وپەراتسييا ۋكراينا جەنە البانييانىڭ قۇقىق قورعاۋ ورگاندارىمەن, قازاقستان مەن ۋكراينانىڭ باس پروكۋراتۋرالارىمەن, ينتەرپول جەنە اقش-تىڭ ەسٸرتكٸگە قارسى كٷرەس باسقارماسىمەن بٸرلەسٸپ جٷرگٸزٸلدٸ. قىلمىسكەرلەر زاڭدى جۇمىسقا ورنالاستىرۋدى جەلەۋ ەتٸپ, call-ورتالىق وپەراتورلارىن, HR-مەنەدجەرلەردٸ, حيميكتەردٸ, كۋرەرلەردٸ, ەسٸرتكٸ جاسىرۋشىلاردى, لوگيستەر مەن قويما قىزمەتكەرلەرٸن تارتقان. ادامدارعا وڭاي تابىس تابۋدى ۋەدە ەتٸپ, ٸس جٷزٸندە ولاردى حالىقارالىق ەسٸرتكٸ بيزنەسٸنە ارالاستىرعان.
- قىلمىستىق قۇرىلىمدا رٶلدەر ناقتى بٶلٸنگەن. ونى كٶرشٸلەس مەملەكەتتٸڭ 36 جاستاعى ازاماتى ۇيىمداستىرعان. قازاقستاننىڭ ٸشكٸ ٸستەر مينيسترلٸگٸ وپەراتسييانىڭ بارلىق نەگٸزگٸ كەزەڭدەرٸنە قاتىستى, - دەدٸ قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆ.
قىلمىستىق ەرەكەتتٸ قۇجاتتاۋ بارىسىندا ۋكراينادا ادامداردى زاڭسىز ەرەكەتكە تارتۋمەن اينالىسقان call-ورتالىقتاردا 26 تٸنتۋ جٷرگٸزٸلٸپ, تٶرت مىڭعا جۋىق تسيفرلىق ايعاقتار تەركٸلەندٸ. ولاردى تالداۋ نەتيجەسٸندە Telegram جەلٸسٸندەگٸ 31 ەسٸرتكٸ دٷكەنٸ, قىلمىستىق سحەمانى ۇيىمداستىرۋشىلار جەنە وندا تارتىلعان جٷزدەگەن ادام انىقتالدى. ولاردىڭ قازاقستان اۋماعىندا ەسٸرتكٸ تاراتۋعا قاتىسى بار-جوعىن ٸٸم قىزمەتكەرلەرٸ تەكسەردٸ.
مامىر ايىندا وپەراتسييانىڭ كەزەكتٸ بەلسەندٸ كەزەڭٸ ٶتتٸ. قازاقستان ٸٸم ٶكٸلدەرٸنٸڭ قاتىسۋىمەن كيەۆ قالاسى مەن كيەۆ وبلىسىندا 70 تٸنتۋ جٷرگٸزٸلٸپ, ادامداردى قىلمىسقا تارتۋمەن اينالىسقان call-ورتالىقتاردىڭ قىزمەتٸ توقتاتىلدى جەنە قىلمىستىق قوعامداستىقتىڭ 27 بەلسەندٸ مٷشەسٸ انىقتالدى. شٸلدە ايىندا قازاقستان اۋماعىندا ۋكراينالىق قۇقىق قورعاۋ ورگاندارى ٶكٸلدەرٸنٸڭ قاتىسۋىمەن تاعى 15 تٸنتۋ جٷرگٸزٸلدٸ. ەلٸمٸزدە ەسٸرتكٸ ساتۋعا قاتىسى بار جەلٸ مٷشەلەرٸ ۇستالدى.
- قىلمىستىق قۇرىلىم ٸشٸندە قاتاڭ ەرەجەلەر بولعان. قىلمىستىق ەرەكەتتەن باس تارتۋعا تىرىسقان ادامدارعا ايىپپۇل سالىنعان, ولاردى ۇرىپ-سوعىپ, زاڭسىز ۇستاپ وتىرعان. تارتىمدى كٶرٸنەتٸن بوس جۇمىس ورىندارىنىڭ ارتىندا ادامدى ەسٸرتكٸ بيزنەسٸنە تارتۋ تۇرعان. ال ادام بۇل ٸسكە كٸرگەننەن كەيٸن ودان شىعۋعا مٷمكٸندٸك بەرمەگەن, - دەدٸ قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆ.
وپەراتسييانىڭ قورىتىندى كەزەڭٸندە ۋكراينانىڭ بەس وبلىسى مەن كيەۆ قالاسىندا تاعى 35 تٸنتۋ جٷرگٸزٸلدٸ. ازاماتتاردى قىلمىسقا تارتۋمەن اينالىسقان حالىقارالىق جەلٸنٸڭ ەكٸ بۋىنى جويىلدى. قۇرامىندا سينتەتيكالىق ەسٸرتكٸ بار 24 كەلٸ قوسپا, 3,5 مىڭنان استام قولدان جاسالعان شىلىم جەنە ٶلشەپ سالىنعان ەكٸ مىڭعا جۋىق پاكەت تەركٸلەندٸ. جەتٸ ادام ۇستالىپ, قىلمىستىق سحەماعا قاتىسقان توعىز ادامعا ايىپ تاعىلدى.
- بۇل سانداردىڭ ارتىندا تارالماعان مىڭداعان ەسٸرتكٸ دوزاسى تۇر. بۇل ادامداردىڭ دەنساۋلىعىن ساقتاپ قالۋ, وتباسىلاردى ەسٸرتكٸگە تەۋەلدٸلٸكتەن قورعاۋ جەنە ازاماتتاردى قىلمىستىق بيزنەسكە تارتىلۋدان امان الىپ قالۋ دەگەن سٶز. حالىقارالىق جەلٸنٸ ۇيىمداستىرۋشىلار مەن ونىڭ بارلىق قاتىسۋشىلارىن انىقتاۋ بويىنشا جۇمىس جالعاسۋدا, - دەدٸ سپيكەر.
ٸٸم ازاماتتاردى ينتەرنەتتەگٸ وڭاي تابىس تۋرالى ۇسىنىستارعا سەنبەۋگە شاقىرادى. تارتىمدى ۇسىنىستاردىڭ ارتىندا حالىقارالىق ەسٸرتكٸ جەلٸسٸ تۇرۋى مٷمكٸن.
