قازاقستان فۋتبول فەدەراتسيياسى دا قۇرامىنا كٸرەتٸن ۋەفا-نىڭ 55 ۇلتتىق قاۋىمداستىعى FIFA تۋرنيرلەرٸنە بويكوت جارييالاۋ تۋرالى ورتاق شەشٸمدٸ قولدادى, دەپ حابارلايدى dalanews.kz.
ەۋروپالىق فۋتبول قاۋىمداستىقتارىنىڭ وداعى (ۋەفا) FIFA-نىڭ ەلەم چەمپيوناتىنىڭ كوممەرتسييالىق قۇقىقتارىنىڭ بٸر بٶلٸگٸن جەكە ينۆەستورلارعا بەرۋ جوسپارىنا قارسى شىقتى. ەگەر بۇل باستاما جٷزەگە اسسا, ۇيىم FIFA ۇيىمداستىراتىن بارلىق تۋرنيرلەرگە, سونىڭ ٸشٸندە ەلەم چەمپيوناتىنا بويكوت جارييالايتىنىن مەلٸمدەدٸ.
داۋعا FIFA پرەزيدەنتٸ دجانني ينفانتينو ۇسىنعان جاڭا كوممەرتسييالىق جوبا سەبەپ بولدى. جوسپارعا سەيكەس, ەلەم چەمپيوناتى مەن ٶزگە دە تۋرنيرلەردٸ باسقاراتىن جاڭا كوممەرتسييالىق قۇرىلىم قۇرىلىپ, ونىڭ 20%-عا دەيٸنگٸ ٷلەسٸ جەكە ينۆەستيتسييالىق قورلارعا ساتىلۋى مٷمكٸن.
ۋەفا مۇنداي قادام فۋتبولدىڭ تەۋەلسٸزدٸگٸنە قاۋٸپ تٶندٸرەدٸ دەپ ەسەپتەيدٸ. ۇيىم ەلەم چەمپيوناتى كوممەرتسييالىق اكتيۆكە اينالماۋى تيٸس ەكەنٸن ايتىپ, FIFA-دان بۇل جوسپاردان تولىق باس تارتۋدى تالاپ ەتتٸ.
قازاقستان بۇل مەسەلەگە قاتىستى جەكە مەلٸمدەمە جاساعان جوق. الايدا قازاقستان فۋتبول فەدەراتسيياسى ۋەفا قۇرامىنداعى 55 ۇلتتىق قاۋىمداستىقتىڭ بٸرٸ بولعاندىقتان, قابىلدانعان ۇجىمدىق شەشٸمنٸڭ قاتىسۋشىسى سانالادى.
ٶز كەزەگٸندە FIFA ۇسىنىستىڭ ەلٸ تالقىلاۋ كەزەڭٸندە ەكەنٸن ايتىپ, بارلىق مٷشە قاۋىمداستىقتىڭ پٸكٸرٸن ەسكەرۋگە دايىن ەكەنٸن مەلٸمدەدٸ. ۇيىم جوسپار جٷزەگە اسقان جاعدايدا دا تۋرنيرلەرگە باقىلاۋ ٶز قولىندا قالاتىنىن العا تارتۋدا.
بۇل سوڭعى جىلدارداعى FIFA مەن ۋەفا اراسىنداعى ەڭ ٸرٸ تەكەتٸرەستەردٸڭ بٸرٸ رەتٸندە باعالانىپ وتىر.
