قازاقستاندا اتوم ەلەكتر ستانسياسى (اەس) بويىنشا رەفەرەندۋم وتكىزۋدىڭ بولجامدى مەرزىمى اتالدى، دەپ حابارلايدى Dalanews.kz.
"اتوم ەلەكتر ستانسياسىنا قاتىستى رەفەرەندۋم 2024 جىلى جاز مەزگىلىنىڭ اياعىندا نەمەسە كۇزدە ءوتۋى مۇمكىن"، - دەپ جاۋاپ بەردى اگەنتتىك قازتاگ جولداعان ساۋالعا.
ەسكە سالايىق، 19 مامىردا ەكونوميست ءارى ەنەرگەتيك اسەت ناۋرىزبايەۆ اتوم ەلەكتر ستانسيالارىن قولداۋشىلار بولاشاقتا جاسىل ەنەرگيا ءۇشىن ت30 ەمەس، ساعاتىنا 70 تەڭگە تولەۋدى ۇسىنعان بولاتىن. ساراپشى اەس بويىنشا پرەزيدەنت ۋادە ەتكەن رەفەرەندۋم اشىق داۋىس بەرۋ ارقىلى وتكىزىلۋ قاجەت دەپ ەسەپتەيدى. ونىڭ پىكىرىنشە، قازاقستاندا اتوم ەلەكتر ستانساسىن سالۋ جونىندەگى رەفەرەندۋم بولاشاق ۇرپاق الدىنداعى - ۇلكەن جاۋاپكەرشىلىك.
2023 جىلدىڭ 1 قىركۇيەگىندە توقايەۆ قازاقستان حالقىنا جولداۋىندا رەفەرەندۋم قورىتىندىسى بويىنشا اتوم ەلەكتر ستانسياسىنا قاتىستى شەشىم قابىلداۋدى تاپسىردى. وسى تۇستا ەنەرگەتيكا ءمينيسترى الماسادام ساتقالييەۆ قولدانىستاعى جۇيەلەرگە بايلانىستى اەس بويىنشا رەفەرەندۋم وتكىزۋدىڭ قاجەتتىلىگى جوق ەكەنىن العا تارتقان ەدى.
6 قىركۇيەكتە ورتالىق سايلاۋ كوميسسياسى اتوم ەلەكتر ستانسياسىنا قاتىستى رەفەرەندۋمدى 2023 جىلى وتكىزۋگە دايىن ەكەنىن مالىمدەگەن بولاتىن.
5 قازاندا ەنەرگەتيكا مينيسترلىگى قازاقستاننىڭ "روساتوم" جانە تاعى ءۇش كومپانيامەن اتوم ەلەكتر ستانسياسىنا قاتىستى ماڭىزدى كەلىسسوزدەر جۇرگىزىپ جاتقانىن حابارلادى. 27 قازاندا قازاقستان الەۋەتتى مەردىگەرلەردىڭ وتىنىمدەرىن قاراۋدى توقتاتتى.
