قازاقستان الماتىدا اشىلاتىن بۇۇ-نىڭ ٶڭٸرلٸك ورتالىعىن قارجىلاندىرۋ ٷشٸن جىل سايىن 3 ميلليون دوللار بٶلەتٸن بولدى. تيٸستٸ كەلٸسٸمدٸ سەنات دەپۋتاتتارى راتيفيكاتسييالادى, دەپ حابارلايدى dalanews.kz.
ورتالىق الماتىدا اشىلادى
سەنات وتىرىسىندا قازاقستان ٷكٸمەتٸ مەن بٸرٸككەن ۇلتتار ۇيىمى اراسىنداعى الماتى قالاسىندا بۇۇ-نىڭ ٶڭٸرلٸك ورتالىعىن قۇرۋ تۋرالى كەلٸسٸم ماقۇلداندى. قۇجاتقا سەيكەس, قازاقستان قابىلداۋشى تاراپ رەتٸندە 2025-2029 جىلدار ارالىعىندا جىل سايىن ەرٸكتٸ جارنا تٷرٸندە 3 ميلليون دوللاردان بٶلٸپ وتىرادى.
قاراجات قايدا جۇمسالادى?
بٶلٸنەتٸن قارجى ورتالىقتى زاماناۋي ماتەريالدىق-تەحنيكالىق قۇرالدارمەن جابدىقتاۋعا, IT-ينفراقۇرىلىم مەن بايلانىس جٷيەلەرٸن قامتاماسىز ەتۋگە, سونداي-اق اعىمداعى وپەراتسييالىق شىعىنداردى ٶتەۋگە باعىتتالادى. سونىمەن قاتار بٶلٸنەتٸن قاراجاتتىڭ 13 پايىزى بۇۇ تاراپىنان كٶرسەتٸلەتٸن ەكٸمشٸلٸك سٷيەمەلدەۋگە جۇمسالماق.
عيمارات كەيٸن مەملەكەتكە قايتارىلادى
كەلٸسٸم شارتتارىنا سەيكەس, باعدارلامانىڭ مەرزٸمٸ اياقتالعاننان كەيٸن ورتالىق ورنالاسقان عيمارات تولىقتاي قازاقستان ٷكٸمەتٸنٸڭ قاراماعىنا قايتارىلادى. ايتا كەتەيٸك, الماتىدا بۇۇ-نىڭ ٶڭٸرلٸك ورتالىعىن قۇرۋ باستاماسى ۇيىمنىڭ ورتالىق ازييا مەن اۋعانستان باعىتىنداعى قىزمەتٸن ٷيلەستٸرۋدٸ كٷشەيتۋگە باعىتتالعان.
