الماتىدا "بٸرٸككەن ۇلتتار ۇيىمىنىڭ بٶلٸنۋدٸ باقىلاۋ جٶنٸندەگٸ كٷشتەرٸ" ميسسيياسى قۇرامىندا قىزمەت ەتۋ ٷشٸن گولان جوتالارىنا اتتاناتىن ٷشٸنشٸ ۇلتتىق بٸتٸمگەرلٸك كونتينگەنتتٸ سالتاناتتى تٷردە شىعارىپ سالۋ رەسٸمٸ ٶتتٸ, دەپ حابارلايدى dalanews.kz.
قورعانىس مينيسترٸنٸڭ تەربيە جەنە يدەولوگييالىق جۇمىس جٶنٸندەگٸ ورىنباسارى, گەنەرال-مايور اسقار مۇستابەكوۆ قازاقستاننىڭ حالىقارالىق قاۋٸپسٸزدٸكتٸ قولداۋ ٸسٸنە قاتىسۋىنىڭ ماڭىزىنا توقتالدى.
"بٸتٸمگەرلٸك - سىرتقى ساياساتتىڭ باسىم باعىتتارىنىڭ بٸرٸ جەنە قازاقستاننىڭ حالىقارالىق قاۋٸپسٸزدٸككە قوسقان ٷلەسٸ. سٸزدەر ەلٸمٸزدٸڭ ابىرويىن اسقاقتاتىپ, بٸرٸككەن ۇلتتار ۇيىمىنىڭ بٸتٸمگەرلٸك ميسسيياسىنا قاتىسۋعا اتتانعالى تۇرسىزدار. بۇل - مەملەكەتتٸڭ, حالىقارالىق قاۋىمداستىق پەن جاقىندارىڭىزدىڭ الدىنداعى ٷلكەن جاۋاپكەرشٸلٸك", - دەدٸ ول.
بۇدان سوڭ ٷشٸنشٸ بٸتٸمگەرلٸك كونتينگەنتتٸڭ كومانديرٸ, پودپولكوۆنيك ٸليياس الماتوۆ باستاعان ەسكەريلەر پلاتستا سالتاناتتى ساپپەن جٷرٸپ ٶتتٸ. كەيٸن قارۋلى كٷشتەردٸڭ 139 ەسكەري قىزمەتشٸسٸ ەكٸنشٸ كونتينگەنتتٸ الماستىرۋ ٷشٸن الماتى حالىقارالىق ەۋەجايىنا جول تارتتى.
قازٸر 150-دەن اسا قازاقستاندىق بٸتٸمگەر بٸرٸككەن ۇلتتار ۇيىمىنىڭ تاياۋ شىعىستاعى جەنە افريكا كونتينەنتٸندەگٸ 7 ميسسيياسىنا ەسكەري باقىلاۋشى, شتاب وفيتسەرٸ جەنە دەربەس ەسكەري كونتينگەنت رەتٸندە قاتىسىپ جاتىر. ليۆاندا, سيرييادا, باتىس ساحارادا, وڭتٷستٸك سۋداندا, كونگو دەموكراتييالىق رەسپۋبليكاسىندا, ورتالىق افريكا رەسپۋبليكاسىنداعى بۇۇ ميسسييالارىندا قازاقستاندىق بٸتٸمگەرلەر بار.
قازاقستاندىق بٸتٸمگەرلەر اتىستى توقتاتۋ رەجيمٸن قامتاماسىز ەتۋ, پاترۋلدەۋ, توسقاۋىل بەكەتتەرٸن كٷزەتۋ, جارىلىس قاۋپٸ بار زاتتاردى جويۋ, سونداي-اق, بۇۇ قىزمەتكەرلەرٸن الىپ جٷرۋ مەن ەۆاكۋاتسييالاۋ جٶنٸندەگٸ مٸندەتتەردٸ ورىندايدى. ۇلتتىق كونتينگەنتتٸڭ بۇعان دەيٸنگٸ ەكٸ قۇرامى گولان جوتالارىندا قىزمەت ەتكەن كەزدە بارلىق مٸندەتتٸ ويداعىداي ورىنداعان.
