قازاقستانداعى ەكٸنشٸ دەڭگەيلٸ بانكتەردٸڭ جيىنتىق اكتيۆتەرٸ 74,2 ترلن تەڭگەگە جەتتٸ. ال بانك سەكتورىنىڭ كاپيتال جەتكٸلٸكتٸلٸگٸ كٶرسەتكٸشٸ ەڭ تٶمەنگٸ تالاپ ەتٸلەتٸن 8%-دىڭ ورنىنا 20,5%-دى قۇراپ وتىر, دەپ حابارلايدى dalanews.kz.
بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ تٶرايىمى مەدينا ەبٸلقاسىموۆا مەلٸمدەدٸ. ونىڭ ايتۋىنشا, سوڭعى التى جىلدا بانكتەردٸڭ كاپيتالى شامامەن 7 ترلن تەڭگەگە ارتقان. بۇدان بٶلەك, بانكتەر قاداعالاۋ تالاپتارى اياسىندا قوسىمشا 1,4 ترلن تەڭگە كٶلەمٸندە كاپيتال رەزەرۆٸن تۇراقتى تٷردە ۇستاپ كەلەدٸ.
سونداي-اق مەرزٸمٸ 90 كٷننەن اسقان پروبلەمالىق نەسيەلەردٸڭ ٷلەسٸ ايتارلىقتاي ازايعان. ەگەر 2019 جىلى بۇل كٶرسەتكٸش 8,1% بولسا, 2025 جىلدىڭ قورىتىندىسى بويىنشا 3,6%-عا دەيٸن تٶمەندەگەن.
«بانك سەكتورىنداعى پروبلەمالىق اكتيۆتەردٸڭ كٶلەمٸ ەكٸ ەسەدەن استام قىسقارىپ, 7,7 ترلن تەڭگەدەن 3,1 ترلن تەڭگەگە دەيٸن ازايدى», – دەدٸ مادينا ەبٸلقاسىموۆا.
جاڭا پروبلەمالىق قارىزداردىڭ پايدا بولۋىنا جول بەرمەۋ ٷشٸن ەڭ تەۋەكەلٸ جوعارى قارىز الۋشىلاردى نەسيەلەۋگە شەكتەۋلەر ەنگٸزٸلگەن. اتاپ ايتقاندا, قازٸرگٸ ۋاقىتتا تٶلەم مەرزٸمٸن ٶتكٸزٸپ جٷرگەن ازاماتتارعا جاڭا نەسيە بەرۋگە تىيىم سالىنعان.
سونىمەن قاتار سوڭعى ٷش جىل ٸشٸندە قارىزى تولىق كەشٸرٸلگەن نەمەسە سوڭعى 12 ايدا قايتا قۇرىلىمداۋ رەسٸمٸنەن ٶتٸپ, بٸراق تٶلەم تەرتٸبٸن قالپىنا كەلتٸرمەگەن ازاماتتارعا دا جاڭا قارىز رەسٸمدەۋگە بولمايدى. 2027 جىلدان باستاپ قارىز الۋشىنىڭ جيىنتىق بورىشىنىڭ تابىسقا قاتىناسىن ەسەپتەيتٸن ارنايى كوەففيتسيەنت ەنگٸزٸلەدٸ.
اگەنتتٸك باسشىسىنىڭ سٶزٸنشە, قابىلدانعان شەكتەۋلەر جاڭا بەرٸلەتٸن نەسيەلەردٸڭ ساپاسىن جاقسارتقان. ٸرٸ بانكتەردە بٸر جىل ٸشٸندە دەفولتقا ۇشىرايتىن نەسيەلەردٸڭ ٷلەسٸ 5%-دان 2,5%-عا دەيٸن تٶمەندەگەن. سونداي-اق كەپٸلسٸز تۇتىنۋشىلىق نەسيەلەۋدٸڭ ٶسۋ قارقىنى دا باياۋلاعان. ەگەر 2024 جىلى بۇل سەگمەنت 30%-عا ٶسسە, 2025 جىلى ٶسٸم 14,6%-دى قۇراعان. ال بيىلعى جىلدىڭ العاشقى جەتٸ ايىندا كٶرسەتكٸش 3,5%-عا دەيٸن تٶمەندەگەن.
