قازاقستان ايەلدەرى جاساندى ينتەللەكتىنى يگەرۋدى ۇيرەتەتىن تەگىن ونلاين-كۋرسقا قاتىسا الادى. شارانى ۇيىمداستىرۋشى Women in Tech Kazakhstan قاۋىمداستىعى اتالعان ءبىلىم بەرۋ باعدارلاماسى 9 ماۋسىمدا باستالاتىنىن ناقتىلايدى، دەپ حابارلايدى Dalanews.kz.
اتالعان كۋرستى وقۋعا نيەت تانىتۋشىلاردىڭ بارلىعى وعان قاتىسا الادى، ول ءۇشىن مىنا سىلتەمە بويىنشا تىركەۋدەن ءوتۋ قاجەت.
بۇل ارادا جاساندى ينتەللەكتىنى كاسىبي دەڭگەيدە دە، كۇندەلىكتى ومىردە دە قولدانۋ، سونىڭ ىشىندە كونتەنت جاساۋ تۇرعىسىندا دا ۇيرەنە الادى.
باعدارلاما مىنالاردى قامتيدى:
- تانىمال قۇرالدارمەن جۇمىس ىستەپ ۇيرەنۋ (ChatGPT، Gemini، Copilot) ؛
- جاساندى ينتەلەكتى كومەكشىلەرىن قۇرۋ؛
- جاساندى ينتەللەكتىنى باسپا ءسوز بايانىنا، ۆيدەولارعا، جازبالارعا جانە جوسپارعا پايدالانۋ؛
- تەحنولوگيالاردى Telegram ارنالارعا كىرىكتىرە پايدالانۋ.
كۋرس ءار ءتۇرلى سالادا جۇمىس ىستەيتىن ماماندارعا دا، جاساندى ينتەللەكتىنى جاڭادان قولدانۋشىلارعا دا پايدالى بولادى. وقۋ كۋرسى اياقتالعاننان كەيىن وعان قاتىسقاندارعا ارنايى سەرتيفيكاتتار تابىستالادى.
