2025 جىلعى قىركٷيەكتەن 2026 جىلعى 30 شٸلدەگە دەيٸن قازاقستان 13,9 ملن توننا استىق پەن ۇن ەكسپورتتاعان. بۇل بىلتىرمەن سالىستىرعاندا 12,6 پايىزعا كٶپ. بىلتىر وسى كەزەڭدە شەتەلگە 12,4 ملن توننا ٶنٸم جٶنەلتٸلگەن بولاتىن, دەپ حابارلايدى dalanews.kz.
ەكسپورت كٶلەمٸ ٶسۋٸنە ورتالىق ازييا ەلدەرٸ مەن اۋعانستانعا جٶنەلتٸلگەن ٶنٸم كٶلەمٸ ارتۋى ىقپال ەتكەن.
ٶزبەكستانعا ەكسپورت 36 پايىزعا ٶسٸپ, 5,8 ملن تونناعا, قىرعىزستانعا ەكسپورت 35 پايىزعا ٶسٸپ, 528 مىڭ تونناعا, اۋعانستانعا 57 پايىزعا ٶسٸپ, 2,4 ملن تونناعا, تٷرٸكمەنستانعا 32 پايىزعا ٶسٸپ, 220 مىڭ تونناعا جەتكەن.
"جٷك تاسىمالى كٶلەمٸ ارتۋى قازاقستاندىق اۋىل شارۋاشىلىعى ٶنٸمدەرٸنە سۇرانىس جوعارى ەكەنٸن كٶرسەتەدٸ", - دەدٸ اۋىل شارۋاشىلىعى مينيسترلٸگٸ ٶكٸلدەرٸ.
