قازاقستان 2025 جىلى شەتەلگە شامامەن 79 ملرد دوللاردىڭ تاۋارىن ەكسپورتتاعان، دەپ حابارلايدى Dalanews.kz "Finnews.kz"-كە سىلتەمە جاساپ.

ستاتيستيكاعا سايكەس، ەل ەكسپورتىنىڭ نەگىزگى بولىگىن مۇناي مەن مۇناي ونىمدەرى قۇرايدى. اتاپ ايتقاندا، شيكى مۇناي مەن مۇناي ونىمدەرىنىڭ ۇلەسى جالپى ەكسپورتتىڭ شامامەن 50،5%-ىن العان.

سونىمەن قاتار ەكسپورت قۇرىلىمىندا:

• ۋران جانە راديواكتيۆتى ونىمدەر – 5،3%،

• تازارتىلعان مىس – 5،2%،

• مىس كەندەرى – 3،6%،

• فەرروقورىتپالار – 2،6% ۇلەسكە يە.

قازاقستان تاۋارلارى ەڭ كوپ جونەلتىلەتىن ەلدەردىڭ قاتارىندا يتاليا (19،8%)، جۇڭگو (19،2%) جانە رەسەي (10،3%) بار.

ودان كەيىنگى ورىنداردا نيدەرلاندى (7،6%)، تۇركيا (4،9%) جانە وزبەكستان (4،5%) تۇر.

مامانداردىڭ ايتۋىنشا، قازاقستان ەكسپورتىنىڭ باسىم بولىگى ءالى دە شيكىزاتتىق تاۋارلارعا تيەسىلى.