قازاقستان 2032 جىلعا دەيٸن اۆياتسييالىق وتىن ٶندٸرٸسٸن قوسىمشا 1 ملن تونناعا ارتتىرۋدى جوسپارلاپ وتىر. بۇل تۋرالى ٷكٸمەتتەگٸ بريفينگتە ەنەرگەتيكا مينيسترٸ ەرلان اقكەنجەنوۆ مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, قازٸرگٸ ۋاقىتتا قازاقستان ٸشكٸ نارىقتىڭ اۆياتسييالىق وتىنعا دەگەن قاجەتتٸلٸگٸن تولىق قامتاماسىز ەتە الماي وتىر. ەل جىلىنا شامامەن 850 مىڭ توننا اۆياتسييالىق وتىن ٶندٸرەدٸ, ال ٸشكٸ سۇرانىس 1,1-1,2 ملن توننانى قۇرايدى. جەتٸسپەيتٸن كٶلەم رەسەي جەنە باسقا ەلدەردەن يمپورتتالادى.
«قازٸرگٸ ۋاقىتتا قازاقستان ٶزٸن اۆياتسييالىق وتىنمەن تولىق قامتاماسىز ەتٸپ وتىرعان جوق. قازاقستان جىلىنا شامامەن 850 مىڭ توننا اۆياتسييالىق وتىن ٶندٸرە الادى, ال قاجەتتٸلٸك 1,1-1,2 ملن توننانى قۇرايدى. ايىرماشىلىعى رەسەي فەدەراتسيياسىنان جەنە باسقا ەلدەردەن يمپورتتالدى جەنە يمپورتتالىپ جاتىر. (…) ەگەر جوسپارلار تۋرالى ايتاتىن بولساق, ەڭ الدىمەن مۇناي ٶڭدەۋ زاۋىتتارىنىڭ قۋاتىن كەڭەيتۋ كٶزدەلٸپ وتىر. پاۆلودار مۇناي ٶڭدەۋ زاۋىتىنىڭ قۋاتىن 2,2 ملن تونناعا ارتتىرۋ جەنە شىمكەنت مۇناي ٶڭدەۋ زاۋىتىنىڭ قۋاتىن ەكٸ ەسەگە, ياعني 6 ملن توننادان 12 ملن تونناعا دەيٸن ۇلعايتۋ جوسپارلانعان. بۇل جۇمىستار 2032 جىلعا دەيٸن جٷزەگە اسىرىلادى. نەتيجەسٸندە قوسىمشا 1 ملن توننا اۆياتسييالىق وتىن ٶندٸرٸلەدٸ. جالپى قازاقستان جىلىنا 1,7-1,8 ملن توننا اۆياتسييالىق وتىن ٶندٸرەتٸن بولادى», – دەدٸ ەرلان اقكەنجانوۆ.
وسىلايشا, مۇناي ٶڭدەۋ زاۋىتتارىنىڭ قۋاتىن ارتتىرۋ ٸشكٸ نارىقتى اۆياتسييالىق وتىنمەن تولىق قامتاماسىز ەتۋگە جەنە ٶندٸرٸس كٶلەمٸن ەلدەگٸ قازٸرگٸ سۇرانىستان ەدەۋٸر جوعارى دەڭگەيگە جەتكٸزۋگە مٷمكٸندٸك بەرەدٸ.
سونىمەن قاتار قازاقستاندا تٶرتٸنشٸ مۇناي ٶڭدەۋ زاۋىتىن سالۋ مەسەلەسٸ دە كٷن تەرتٸبٸندە تۇر. مينيستردٸڭ ايتۋىنشا, جاڭا زاۋىتتىڭ ٸسكە قوسىلۋى ەلدٸڭ مۇناي ٶنٸمدەرٸنە دەگەن ٸشكٸ قاجەتتٸلٸگٸن تولىق ٶتەۋگە جەنە بولاشاقتا اۆياتسييالىق وتىندى ەكسپورتتاۋ مٷمكٸندٸگٸن قالىپتاستىرۋعا جول اشادى.
