اقش يرانعا قارسى "Economic Outcast" اتتى جاڭا ەكونوميكالىق ناۋقان باستاپ كەتتٸ. ەندٸ ۆاشينگتون ٷشٸنشٸ ەلدەر مەن شەتەلدٸك كومپانييالارعا دا ەسكەرتۋ جاساپ وتىر. يران ەكونوميكاسىنىڭ سانكتسيياعا تٷسكەن سالالارىمەن جۇمىس ٸستەگەندەر اقش قارجى جٷيەسٸنە قولجەتٸمدٸلٸگٸن جوعالتۋى مٷمكٸن. جاڭا قىسىم ەڭ الدىمەن قارجى, تەحنولوگييا, التىن, اۆياتسييا جەنە تەڭٸز تاسىمالىنا باعىتتالعان, دەپ حابارلايدى dalanews.kz Dala INSIDE دەرەككٶزٸنە سٸلتەمە جاساپ.
دەل وسىلاردىڭ ٸشٸنەن قازاقستانعا تەڭٸز تاسىمالى باعىتى اۋىر تيەدٸ. سەبەبٸ, بٸزدٸڭ يراننىڭ پارسى جاعالاۋىنداعى بەندەر-ابباس پورتىندا تەرمينال سالۋىمىز تەڭٸز تاسىمالى كاتەگوريياسىنا جارتىلاي ەنٸپ تۇر.
"قازٸر ەدٸلەت جەنە سىرتقى ٸستەر مينيسترلٸگٸ ارقىلى قازاقستان بەندەر-ابباستا تەرمينال سالۋ جەنە وعان قۇرلىق ارقىلى باراتىن لوگيستيكانى كٷشەيتۋ جوباسى وسى شەكتەۋلەرگە زاڭدىق تۇرعىدان قايشى ما, قايشى ەمەس پە سونى انىقتاپ الماق. قۇرىلتاي ناۋقانى تولىق بٸتكەننەن كەيٸن, اقش تاراپىمەن جابىق كونسۋلتاتسييالار باستالادى. بٸراق ۆاشينگتون قاتاڭ تٷردە جوق دەسە, امال جوق, يرانمەن بۇل تٸرلٸكتٸ جابا تۇرۋعا مەجبٷر بولامىز", - دەيدٸ, DALA INSIDE دەرەككٶزٸ.
وسى جازدا قازاقستان يرانمەن بەندەر-ابباستاعى شاحيد رادجاي پورتىندا ٶزٸنٸڭ كٶلٸك-لوگيستيكالىق تەرمينالىن سالۋ جٶنٸندەگٸ BOT-كەلٸسٸمگە قول قويعان ەدٸ. كەلٸسٸم 27 جىلعا جاسالعان. العاشقى ەكٸ جىلدا قازاقستان تەرمينال سالىپ, سونى 25 جىل پايدالانۋى تيٸس ەدٸ. تەرمينال قازاقستانعا پارسى شىعاناعى, ٷندٸستان, وڭتٷستٸك-شىعىس ازييا جەنە شىعىس افريكا نارىقتارىنا تٸكەلەي شىعۋ ٷشٸن كەرەك.
اقش وقشاۋلاۋ رەجيمٸ تولىق كٷشٸنە ەنسە, بۇل تەرمينالدى حالىقارالىق دەڭگەيدە تولىققاندى پايدالانۋ قيىندايدى. شەتەلدٸك بانك تٶلەم جٷرگٸزۋدەن باس تارتۋى مٷمكٸن, حالىقارالىق ساقتاندىرۋ كومپانييالارى كەمەلەردٸ ساقتاندىرماي قويۋى ىقتيمال, ال ٸرٸ تاسىمالداۋشىلار مەن ينۆەستورلار secondary sanctions تەۋەكەلٸنەن قاشادى.
دەمەك, بٸز ٶزٸمٸزدٸڭ زاپاستاعى بالاما جوبامىزعا قايتا ورالاتىن سيياقتىمىز. ٷكٸمەت بۇعان دەيٸن يران باعىتى ٸسكە اسپاسا, اۋعانستان ارقىلى پەكٸستاننىڭ تەرەڭ سۋ پورتتارىنا شىعۋدى دا قاراستىرعان ەدٸ. وندا تاليبتەرمەن ۇزاق ۋاقىت دوس بولىپ, تاعى دا كەۋدە قاعىستىرۋعا تۋرا كەلەدٸ. جەنە كابۋلعا ٷلكەن ٸسساپار كٷتٸڭٸزدەر.
