الماتىداعى Gusto مەيرامحاناسىندا 21 جەلتوقساندا بولعان جاعدايعا بايلانىستى ٸشكٸ تەكسەرۋ اياقتالىپ, مەيرامحانا ەكٸمشٸسٸنٸڭ قىزمەتٸ توقتاتىلدى. بۇل تۋرالى مەكەمە رەسمي مەلٸمدەمەسٸندە حابارلادى, دەپ حابارلايدى Dalanews.kz.
مەيرامحانا باسشىلىعىنىڭ مەلٸمەتٸنشە, تەكسەرۋ قورىتىندىسى سەرۆيس ستاندارتتارى مەن كورپوراتيۆتٸك كوممۋنيكاتسييا تالاپتارىنىڭ بۇزىلعانىن كٶرسەتكەن. وسىعان بايلانىستى باسقارۋشىلىق شەشٸم قابىلدانعان. الايدا اتالعان شەشٸم تەك ٸشكٸ شارا رەتٸندە قاراستىرىلىپ, وقيعاعا قاتىسقان تۇلعالاردىڭ ەرەكەتتەرٸنە قۇقىقتىق باعا بەرۋدٸ كٶزدەمەيدٸ.
«وقيعاعا بايلانىستى ودان ارعى قاراۋ زاڭنامادا بەلگٸلەنگەن تەرتٸپپەن, تاراپتاردىڭ ٶزارا قاتىسۋىمەن جٷزەگە اسىرىلادى», – دەلٸنگەن حابارلامادا.
شىمبۇلاقتا ورنالاسقان مەيرامحانانىڭ ەكٸمشٸسٸ قازاقشا قىزمەت كٶرسەتۋدەن باس تارتىپ, حالىقتىڭ اشۋىنا تيدٸ.
وقيعا تاۋ-شاڭعى كۋرورتىندا ورنالاسقان Gusto مەيرامحاناسىندا بولعان. بۇل تۋرالى ەلەۋمەتتٸك جەلٸ قولدانۋشىسى پاراقشاسىندا جازعان.
