Almatydaǵy Gusto meiramhanasynda 21 jeltoqsanda bolǵan jaǵdaiǵa bailanysty ishki tekserý aiaqtalyp, meiramhana ákimshisiniń qyzmeti toqtatyldy. Bul týraly mekeme resmi málimdemesinde habarlady, dep habarlaidy Dalanews.kz.
Meiramhana basshylyǵynyń málimetinshe, tekserý qorytyndysy servis standarttary men korporativtik kommýnikatsiia talaptarynyń buzylǵanyn kórsetken. Osyǵan bailanysty basqarýshylyq sheshim qabyldanǵan. Alaida atalǵan sheshim tek ishki shara retinde qarastyrylyp, oqiǵaǵa qatysqan tulǵalardyń áreketterine quqyqtyq baǵa berýdi kózdemeidi.
«Oqiǵaǵa bailanysty odan arǵy qaraý zańnamada belgilengen tártippen, taraptardyń ózara qatysýymen júzege asyrylady», – delingen habarlamada.
Shymbulaqta ornalasqan meiramhananyń ákimshisi qazaqsha qyzmet kórsetýden bas tartyp, halyqtyń ashýyna tidi.
Oqiǵa taý-shańǵy kýrortynda ornalasqan Gusto meiramhanasynda bolǵan. Bul týraly áleýmettik jeli qoldanýshysy paraqshasynda jazǵan.
