9 قىركٷيەكتە گەولوگييالىق كلاستەردٸڭ اۋماعىندا 2026 جىلى «ۇلىتاۋ ۋنيۆەرسيتەتٸ» كەاق-عا وقۋعا تٷسكەن «قازاقمىس كورپوراتسيياسى» جشس مەن ونىڭ ەنشٸلەس كومپانييالارىنىڭ جۇمىسكەرلەرٸ ٷشٸن جاڭا وقۋ جىلىنىڭ اشىلۋ رەسٸمٸ ٶتتٸ. قاتىسۋشىلار ۋنيۆەرسيتەتتٸڭ بٸلٸم بەرۋ مودەلٸمەن, وقۋ ٷدەرٸسٸن ۇيىمداستىرۋ تەرتٸبٸمەن جەنە بٸلٸم بەرۋ ينفراقۇرىلىمىمەن تانىستى, دەپ حابارلايدى dalanews.kz.
ۋنيۆەرسيتەتتٸڭ العاشقى ستۋدەنتتەرٸنٸڭ لەگٸنە 163 بٸلٸم الۋشى كٸردٸ. ونىڭ ٸشٸندە كورپوراتسييا كەسٸپورىندارىندا جۇمىس ٸستەپ جٷرگەن 103 قىزمەتكەر بار. 52 قىزمەتكەر ەكٸنشٸ جوعارى بٸلٸم الۋ ٷشٸن باكالاۆريات باعدارلاماسىنا قابىلدانسا, تاعى 51 ستۋدەنت – «قازاقمىس» كورپوراتسيياسىنىڭ تەحنولوگييالىق كوللەدجٸنٸڭ تٷلەگٸ. ولار ٷشٸن بۇرىن العان بٸلٸمٸ مەن پراكتيكالىق تەجٸريبەسٸن ەسكەرەتٸن قىسقارتىلعان بٸلٸم بەرۋ تراەكتوريياسى قاراستىرىلعان.
وقۋ پروتسەسٸنٸڭ نەگٸزگٸ ەرەكشەلٸگٸنٸڭ بٸرٸ – دۋالدى وقىتۋ جٷيەسٸنٸڭ ەلەمەنتتەرٸ قامتىلعان تەجٸريبەگە باعىتتالعان تەسٸل. تەورييالىق دايىندىق ٶندٸرٸستٸك نىساندارداعى پراكتيكامەن ۇشتاستىرىلادى. بۇل ستۋدەنتتەرگە ناقتى ٶندٸرٸستٸك مٸندەتپەن جۇمىس ٸستەپ, العان بٸلٸمٸن بٸردەن كەسٸپورىندا قولدانۋعا مٷمكٸندٸك بەرەدٸ.
جۇمىس ٸستەپ جٷرگەن قىزمەتكەرلەر ٷشٸن مۇنداي مودەل كەسٸبي قىزمەتٸن جوعارى بٸلٸم الۋمەن قاتار الىپ جٷرۋگە جاعداي جاسايدى. بٸلٸم بەرۋ تراەكتوريياسىن قالىپتاستىرۋ كەزٸندە قىزمەتكەرلەردٸڭ ٶندٸرٸستٸك تەجٸريبەسٸ مەن بۇرىن مەڭگەرگەن پەندەرٸ ەسكەرٸلەدٸ.
«ۇلىتاۋ ۋنيۆەرسيتەتٸ» كەاق باسقارما تٶراعاسى – رەكتور ايدوس سەكەنوۆ قازاقمىسپەن ىنتىماقتاستىق ورناتۋ تاۋ-كەن مەتاللۋرگييا سالاسىنىڭ قاجەتتٸلٸگٸن ەسكەرە وتىرىپ, ينجەنەرلٸك-تەحنيكالىق مامان دايارلاۋعا نەگٸز قالىپتاستىراتىنىن اتاپ ٶتتٸ.
بٸزدٸڭ ماقساتىمىز تەك ديپلوم بەرۋ عانا ەمەس, سونىمەن قاتار تاۋ-كەن ٶنەركەسٸبٸن تٷسٸنەتٸن, ٶندٸرٸستٸك مەسەلەلەردٸ شەشە الاتىن, زاماناۋي تەحنولوگييالاردى جەتٸك مەڭگەرگەن جەنە بولاشاقتا كورپوراتسييانىڭ ينجەنەرلٸك جەنە باسقارۋشىلىق ەلەۋەتٸن نىعايتا الاتىن مامانداردى دايارلاۋ. سٸزدەر وسى مودەلدٸڭ العاشقى قاتىسۋشىلارىنىڭ قاتارىنداسىزدار», - دەدٸ ايدوس سەكەنوۆ.
قازاقمىس ٷشٸن ۋنيۆەرسيتەتپەن سەرٸكتەستٸك – كادرلىق ەلەۋەتتٸ دامىتۋ, جۇمىسكەرلەردٸڭ بٸلٸكتٸلٸگٸن ارتتىرۋ جەنە كەسٸبي كادر رەزەرۆٸن قالىپتاستىرۋ قۇرالىنىڭ بٸرٸ. الداعى ۋاقىتتا پراكتيكالىق دايارلىقتى كەڭەيتۋ, كەسٸپورىن ماماندارىن بٸلٸم بەرۋ ٷدەرٸسٸنە تارتۋ جەنە وقۋ بارىسىندا ناقتى ٶندٸرٸستٸك كەيستەردٸ پايدالانۋ جوسپارلانۋدا.
