قازاقمىس كەن ورىندارىن ساتىپ جاتىر دەگەن اقپاراتقا قاتىستى پىكىر ءبىلدىردى، دەپ حابارلايدى Dalanews.kz.
كەيبىر ب ا ق جانە الەۋمەتتىك جەلىلەردە پايدالى قازبالار وندىرەتىن سەگىز كەن ورنىن شەتەلدىك ينۆەستورعا ساتۋ جونىندە كەلىسسوز ءجۇرىپ جاتىر دەگەن اقپارات تاراعان بولاتىن.
الايدا كومپانيا وكىلدەرى بۇل اقپاراتتى جوققا شىعاردى.
"بۇل اقپارات شىندىققا جاناسپايدى.«قازاقمىس» كورپوراسياسى شەتەلدىك نەمەسە باسقا دا ينۆەستورلارعا قانداي دا ءبىر كەن ورىندارىن ساتۋعا قاتىستى كەلىسسوز جۇرگىزىپ جاتقان جوق"، دەلىنگەن حابارلامادا.
قازاقستان رەسپۋبليكاسىنىڭ زاڭناماسىنا سايكەس، جالعان اقپارات تاراتۋ زاڭ الدىندا جاۋاپكەرشىلىك جۇكتەيدى.
"بۇقارالىق اقپارات قۇرالدارىنىڭ وكىلدەرىمەن قوعامدى تەك رەسمي جانە تەكسەرىلگەن اقپاراتقا سۇيەنۋگە، سونداي-اق قاۋەسەت تاراتۋدان اۋلاق بولۋعا شاقىرامىز"، دەيدى كومپانيا وكىلدەرى.
