«قازاقمىستا» 2026-2028 جىلدارعا ارنالعان مينەرالدىق-شيكىزات بازاسىن دامىتۋ جانە وندىرىستىك قىزمەت جوسپارى بەكىتىلدى. كومپانيا قوردى تولىقتىرۋ جانە جۇمىس ىستەپ تۇرعان كاسىپورىنداردا تۇراقتى ءوندىرىستى قامتاماسىز ەتۋ باعىتىندا جۇمىس جۇرگىزۋدە، دەپ حابارلايدى Dalanews.kz.

بۇگىنگى تاڭدا كەننىڭ جيىنتىق قورى 551،8 ملن توننانى قۇرايدى. بۇل قور ءوندىرىستى شامامەن 16 جىل قامتاماسىز ەتۋگە جەتەدى دەپ باعالانۋدا. وسىعان بايلانىستى رەسۋرستىق بازانى كەڭەيتۋ جانە كەن ورىندارىنىڭ پايدالانۋ مەرزىمىن ۇزارتۋ باسىم باعىتقا اينالۋدا.

2026-2028 جىلدار ارالىعىندا كەن قورى 365 ملن تونناعا ارتادى دەپ كۇتىلۋدە. سونداي-اق مىستىڭ بالانستىق قورى 2 328 تونناعا ۇلعايادى دەپ بولجانۋدا.

بارلاۋ جانە باعالاۋ جۇمىسى جەزقازعان، قاراعاندى جانە بالقاش وڭىرلەرىندە، سونداي-اق قولدانىستاعى نىسانداردان 100-200 شاقىرىم راديۋستاعى جاڭا ۋچاسكەلەردە جۇرگىزىلۋدە. مۇنداي ءادىس يگەرىلگەن اۋماقتارعا جاقىن جەردە ينفراقۇرىلىمدى دامىتۋعا جانە ينۆەستيسيالىق تاۋەكەلدى تومەندەتۋگە مۇمكىندىك بەرەدى.

قوردى ۇلعايتۋ جۇمىسى وندىرىستىك باعدارلامامەن تىكەلەي بايلانىستى. 2026 جىلى 31،7 ملن توننا كەن ءوندىرۋ، 33،1 ملن توننا كەن وڭدەۋ جانە 254،6 مىڭ توننا مىس كونسەنتراتىن شىعارۋ جوسپارلانعان.

سونىمەن قاتار دامۋ جانە جاڭعىرتۋ جوبالارى ىسكە اسىرىلۋدا. جەزقازعان وڭىرىندە «جىلاندى» جانە «جومارت» كەنىشتەرىن كەڭەيتۋ جۇمىسى جالعاسۋدا. جەزقازعان كەن ورنىندا (شجك، وجك، بجك) ينجەنەرلىك كوممۋنيكاسيالاردى كوشىرۋ جانە گەولوگيالىق بارلاۋ جۇمىسىن ەسكەرە وتىرىپ، ءوندىرىس كولەمى تۇراقتاندىرىلۋدا.

«قۇسمۇرىن» كەنىشىندە جۇمىستى قايتا باستاۋ قاراستىرىلۋدا، بۇل كاراعايلى فابريكاسىن الداعى 10 جىلدا شيكىزاتپەن قامتاماسىز ەتۋگە مۇمكىندىك بەرەدى. «نۇرقازعان» كەنىشىن دامىتۋ جۇمىسى جۇرگىزىلۋدە، شاتىركول-جايساڭ كلاستەرىنىڭ تومەنگى قاباتتارىندا قورلاردى اشۋ جۇمىستارى جالعاسۋدا.

بالقاش وڭىرىندەگى «قوڭىرات» كەنىشىندە جۇمىستى جاڭعىرتۋ جوسپارلاندى. 2022-2025 جىلدارى جۇرگىزىلگەن گەولوگيالىق بارلاۋ جۇمىسىنىڭ قورىتىندىسىندا ساياق كەن ورنىندا 10 ملن توننا كەن قورى راستالدى. بۇل ونىڭ پايدالانۋ مەرزىمىن 2031-2042 جىلدارعا دەيىن ۇزارتۋعا مۇمكىندىك بەرەدى.

جوبا تەك ءوندىرۋ كولەمىن قامتاماسىز ەتۋ ءۇشىن عانا ەمەس، سونىمەن قاتار تاۋ-كەن جۇمىسىن تۇراقتاندىرۋعا باعىتتالعان. گەومەحانيكالىق تۇراقتىلىق پەن جابدىقتى جاڭعىرتۋ ەرەكشە نازارعا الىنۋدا، بۇل ءبىرقاتار كەن ورىندارىنىڭ پايدالانۋ مەرزىمىن 2032-2052 جىلدارعا دەيىن ۇزارتۋعا مۇمكىندىك بەرەدى.

وسىلايشا، كومپانيا دامۋدىڭ كەشەندى مودەلىن قۇرىپ، قورىن تولىقتىرادى، قولدانىستاعى قۋاتىن جاڭارتادى جانە جاڭا نىسانداردى ىسكە قوسادى. قوردى ارتتىرۋ جانە كەنىشتەردى جاڭعىرتۋ جۇمىسى بولاشاقتا كەن ءوندىرۋ جانە وڭدەۋ كولەمىن تۇراقتى ۇستاپ تۇرۋعا مۇمكىندىك بەرەدى. وندىرىستىك باعدارلاما كاسىپورىنداردىڭ ونداعان جىلدارداعى تۇراقتى جۇمىسىن ەسەپكە الا وتىرىپ قۇرىلادى.