مەملەكەت باسشىسى قاسىم-جومارت توقايەۆ مادەنيەت جانە اقپارات ءمينيسترى ايدا بالايەۆانى قابىلداپ، ۆەدومستۆونىڭ بيىلعى جۇمىستارى مەن الداعى جوسپارلارىن تىڭدادى، دەپ حابارلايدى Dalanews.kz.
مينيستر مادەنيەت، اقپارات، ازاماتتىق قوعام، ءدىن، ەتنوسارالىق قاتىناس، جاستار ساياساتى، كرەاتيۆتى يندۋستريا، وتباسى-دەموگرافيالىق ساياسات، مۇراعات جانە كىتاپحانا ءىسى سالالارىنداعى اتقارىلعان جۇمىستار تۋرالى باياندادى. سونىمەن قاتار، 2025 جىلعا دەيىنگى پەرسپەكتيۆالىق جوسپارلاردى جۇزەگە اسىرۋعا دايىندىق جونىندە مالىمەت بەردى.
مادەنيەت سالاسىنداعى جەتىستىكتەر:
• بيىل قازاق ونەرى ۆەنەسيا بيەننالەسىندە جانە گيمە ازيا ونەرى مۋزەيىندە الەمگە تانىستىرىلدى؛
• قازاقستاننىڭ باسپا ونىمدەرى فرانكفۋرت كىتاپ جارمەڭكەسىندە كورسەتىلدى؛
• Qazaq Culture اقپاراتتىق-اعارتۋشىلىق پلاتفورماسى سەگىز تىلدە ىسكە قوسىلدى؛
• استانادا وتكەن V دۇنيەجۇزىلىك كوشپەندىلەر ويىندارىنىڭ سالتاناتتى راسىمدەرى جوعارى دەڭگەيدە ءوتتى.
زاڭنامالىق جۇمىستار:
• جۋرناليستەردىڭ مارتەبەسىن ارتتىرۋعا باعىتتالعان جاڭا ب ا ق تۋرالى زاڭ قابىلداندى؛
• «قازاقفيلم» كينوستۋدياسىن قارجىلاندىرۋدى تىكەلەي قاراستىراتىن زاڭ جوباسى پارلامەنتكە ۇسىنىلدى.
ەرىكتىلەر قوزعالىسى:
• بەلسەندى ەرىكتىلەر سانى 240 مىڭ ادامعا جەتتى؛
• 50-دەن استام ۆولونتەرلىك جوبا جۇزەگە اسىرىلدى، 7 قازاقستاندىق ەرىكتى بۇۇ-نىڭ جوبالارىنا تارتىلدى.
كرەاتيۆتى يندۋستريا:
• كرەاتيۆتى يندۋستريا قورىن قۇرۋ جانە ارنايى سالىق رەجيمىن ەنگىزۋ جۇمىستارى جۇرگىزىلدى؛
• ەلىمىزدە 10 جاڭا كرەاتيۆتى ورتالىق پەن حاب اشىلدى.
پرەزيدەنت الداعى جىلى قازاقستان حالقى اسسامبلەياسىنىڭ 30 جىلدىعى، ۇلى جەڭىستىڭ 80 جىلدىعى جانە الەمدىك جانە ءداستۇرلى دىندەر كوشباسشىلارى سەزى سياقتى ماڭىزدى ءىس-شارالاردى جوعارى دەڭگەيدە ۇيىمداستىرۋدى تاپسىردى.
