"قازاق تٸلٸ ويدى "دوستۋپنو" جەتكٸزە الماي ما?". ساۋىتبەك ەبدٸراحمانوۆ قازاق تٸلٸنٸڭ مٷددەسٸن قورعادى
وتىرىس بارىسىندا رەسپۋبليكالىق ادۆوكاتتار القاسىنىڭ تٶراعاسى ەنۋار تٷگەل دەپۋتاتتاردىڭ قازاق تٸلٸندە قويعان سۇراقتارىنا ورىس تٸلٸندە جاۋاپ بەرٸپ وتىردى.
سۇراقتار اياقتالعاننان كەيٸن دەپۋتات ساۋىتبەك ەبدٸراحمانوۆ سٶز الىپ, ادۆوكاتتان قازاق تٸلٸن كەمسٸتپەۋدٸ سۇرادى.
− دەپۋتاتتىڭ سۇراعىنا جاۋاپ بەرە وتىرىپ, سٸز "حوچۋ وتۆەتيت نا رۋسسكوم يازىكە, تاك بۋدەت دوستۋپنەە" دەگەنٸڭٸزدٸ قالاي تٷسٸنۋگە بولادى? دەپۋتات ماگەرراموۆتىڭ سۇراعىنا جاۋاپ قايتارعان كەزدە دە سول لوگيكا بويىنشا سٶيلەدٸڭٸز. سوندا سٸزدٸڭ پٸكٸرٸڭٸزشە, جاۋاپتى قازاق تٸلٸندە قايتارعاندا ويدى "دوستۋپنو" جەتكٸزۋدٸڭ مٷمكٸندٸگٸ جوق پا? مەنٸڭ ويىمشا, سٸزدٸڭ جاۋاپتارىڭىزدىڭ تٸلٸ باسقا ٷشٸن ەمەس, سٸز ٷشٸن تٷسٸنٸكتٸ. بۇل باسقا مەسەلە. بٸراق قازاق تٸلٸن كەمسٸتٸپ سٶيلەمەۋدٸ سۇرايمىز, − دەدٸ حالىق قالاۋلىسى.
ٶز كەزەگٸندە وتىرىسقا تٶراعالىق ەتٸپ وتىرعان مەجٸلٸس تٶراعاسىنىڭ ورىنباسارى ۆلاديمير بوجكو دەپۋتاتتىڭ ەسكەرتۋٸنە قولداۋ بٸلدٸردٸ.
− بۇل دۇرىس دەپ ويلايمىن. قازاق تٸلٸن وقىڭىزدار. قازاق تٸلٸنٸڭ قولدانىس اياسى كەڭەيٸپ كەلەدٸ. بەرٸمٸزگە, ونىڭ ٸشٸندە ماعان دا تٸلدٸ جەتٸلدٸرۋ كەرەك, − دەدٸ ول.
