قازاق پەن ٶزبەكتٸڭ دوستىعى كٶپكە ٷلگٸ
«ەل بٸرلٸگٸ» قورىنىڭ ۇلتارالىق قاتىناستار بويىنشا تەجٸريبەسٸ مول ەكەنٸن كٶزٸ قاراقتى جاماعات بٸلەدٸ, بۇل ۇجىمنىڭ كەز كەلگەن تٸرلٸكتەگٸ كرەدوسى – فورماليزمنەن, كٶزبوياۋشىلىقتان الىس بولۋ.
سوندىقتان كەز كەلگەن جينالىستاردا بايانداما جازباي سٶيلەۋ, قاتىسۋشىلاردى سٶزگە تارتۋ, قىزىق مەلٸمەتتەر كەلتٸرۋ سيياقتى ەرەكەتتەر جينالىستىڭ ەرٸن كەلتٸرٸپ تۇرادى.
كەلەس اۋدانىنىڭ بٸرتٸلەك اۋىلىنداعى جيىن مەكتەپتە ٶتتٸ. اۋىلدىڭ اتىنىڭ ٶزٸ مۇنداعى حالىقتىڭ نيەتٸنٸڭ دۇرىستىعى, اقتىعىن كٶرسەتٸپ تۇرعانداي. اۋىل تۇرعىندارى جيىندا سٶز سٶيلەۋگە تانىمال شەشەن مۇحتار مۇحامبەتجان مەن وبلىستىق ٶزبەك گازەتٸنٸڭ باسشىسى اليشەر ساتىبالدى كەلگەنٸن ەسٸتٸپ, تەگٸس جينالدى.
اليشەر ساتىبالدى ٶز سٶزٸندە ەكٸ ەل باسشىلارى ن. نازارباەۆ پەن ش. ميرزيەەۆتٸڭ كەلٸسسٶزدەرٸ, ەكٸ ەل اراسىنداعى ساۋدا جەنە رۋحاني قاتىناستار تۋرالى ايتتى, سٶزٸن قازاقشا باستاپ, ٶزبەكشەگە ٶتٸپ, ٶزبەكشەدەن قازاقشاعا ٶتٸپ قوس جاماعاتتى دا ٶز بٸلٸمٸنە تەنتٸ ەتتٸ. ال مۇحتار مۇحامبەتجان ەكٸ ەلدٸڭ دوستىعىن ارتتىرۋدىڭ قۇرالى رەتٸندە مىناداي پوزيتسييا كەلتٸردٸ:
– قازاق پەن ٶزبەك حالىقتارى – باۋىرلاس حالىقتار ەمەس, ولار بٸر حالىق, بٸر ۇلت. جاي عانا, بٸر حالىقتىڭ كٶشپەندٸ ٶمٸر سالتىن ۇستانعان جارتىسى مەن وتىرىقشى ٶمٸر سالتىن ۇستانعان جارتىسى. قازاقتىڭ دا, ٶزبەكتٸڭ دە سٷيەگٸن قۇراپ وتىرعان بٶلٸكتەر بٸرەۋ ٶزٸمٸزدٸڭ قوڭىرات-نايمان, ارعىن-قىپشاق, قاڭلى, جالايىرلار, الشىن, سٸرگەلٸلەر ەكەنٸن كٶرەمٸز, – دەدٸ.
ساراپشىلاردىڭ وي-پايى ەلگە ۇنادى. بۇدان كەيٸن ەزيز انالار شىعىپ, اقساقالدار شىعىپ, اۋىلدا ەشقانداي جٸكشٸلدٸك جوقتىعىن, اۋىلدا ۇلت دەمەي, ورتاق تٸرلٸكتەردٸ بٸرگە شەشٸپ وتىرعانىن, تٸپتٸ ەش جاتسىنباي-اق قىز الىسىپ قىز بەرٸسٸپ وتىرعانىن تٸلگە تيەك ەتتٸ.
نەگٸزگٸ اۋىلدىڭ نازارىنداعى مەسەلە – ۇلتارالىق مەسەلە ەمەس, ۇل-قىز تەربيەسٸ, يماندىلىق سيياقتى رۋحاني مەسەلەلەر ەكەنٸن ەستٸپ, شىن قۋاندىق. زالعا سىيماعان ادامدار كەتپەي, كوريدوردا تۇرىپ ەڭگٸمە تىڭداپ, جينالىسقا قاتىستى.
نۇرجان ىدىرىسوۆ
